5 առեղծվածային փաստ հնագույն տեխնոլոգիաների մասին, որոնք մեզ համար մինչ օրս անհասկանալի են
ՀԱՍԱՐԱԿՈՒԹՅՈՒՆ
Մենք կարող ենք թերահավատ լինել, որքան ուզում ենք և բացատրություններ փնտրել դժվար բացատրելիի համար, բայց փաստերը, ինչպես միշտ, խոսում են իրենց մասին:
Այսօր 1or.am-ը ձեզ է ներկայացնում առեղծվածային փաստեր հնագույն տեխնոլոգիաների մասին, որոնցից յուրաքանչյուրն իր անհասկանալի իմաստով մինչ օրս էլ մարդկանց հետաքրքրության և ուշադրության կենտրոնում է գտնվում:
1. Հին պերուացիները կարողանո՞ւմ էին փափկացնել քարերը
Հնագետներն ու գիտնականները տարակուսած են, թե ինչպես է կառուցվել Պերուում գտնվող Սաքսայհուամանի առեղծվածային կառույցը: Հսկայական քարերը, որոնք կազմում են այս անսովոր հին ամրոցը, այնքան ծանր են, որ նույնիսկ ժամանակակից տեխնոլոգիաների օգնությամբ դժվար կլինի դրանք տեղափոխել և տեղադրել։
Արդյո՞ք այս առեղծվածի բացահայտման բանալին հատուկ սարքավորումների մեջ է, որը հին պերուացիներն օգտագործում էին քարե բլոկները փափկեցնելու համար, թե՞ խոսքը քարերի հալման գաղտնի հնագույն տեխնոլոգիաների մասին է: Որոշ հետազոտողների կարծիքով՝ գրանիտը, որից կառուցվել են Կուսկո ամրոցի պատերը, ենթարկվել է շատ բարձր ջերմաստիճանի, ուստի դրա արտաքին մակերեսը դարձել է ապակյա և հարթ։
2. Հին Բաղդադի մարտկոցները
Գիտնականները ենթադրում են, որ այս փոքրիկ և ուշագրավ արտեֆակտը հին աշխարհում էլեկտրաէներգիայի աղբյուրի օրինակ է: Խոսքը պարթևական շրջանի այսպես կոչված «Բաղդադի մարտկոցի» մասին է։
Մոտ 2000 տարի առաջ ստեղծված էլեկտրական մարտկոցը հայտնաբերվել է 1936 թվականին երկաթուղու աշխատակիցների կողմից Բաղդադի մոտ գտնվող Քուջութ Ռաբու շրջանում: Ենթադրվում է, որ աշխարհում առաջին հայտնի էլեկտրական մարտկոցը՝ Վոլտի սյունը, հայտնագործվել է իտալացի ֆիզիկոս Ալեսանդրո Վոլտի կողմից միայն 1799 թվականին, մինչդեռ աղբյուրներից շատերը ցույց են տալիս, որ Բաղդադի մարտկոցը թվագրվում է մոտ 200 մ.թ.ա:
3. Անհավանական մետաղական հնագույն հրաշքներ
Մետաղների մեծ կտորների կարծրացման և մշակման բարձր տեխնոլոգիական մեթոդներն արդեն տարածված էին հին ժամանակներում։ Մեր նախնիները մետաղագործության վերաբերյալ չափազանց բարդ գիտական գիտելիքներ ունեին՝ ժառանգված ավելի վաղ քաղաքակրթություններից, ինչի մասին վկայում են ամբողջ աշխարհում հայտնաբերված արտեֆակտները:
Մետալուրգիական տեխնոլոգիաները հայտնի էին դեռևս Հին Չինաստանում, և դա առաջին քաղաքակրթություններից էր, որտեղ չուգուն էին արտադրում:
Հին Հնդկաստանում նրանք գիտեին, թե ինչպես արտադրել երկաթ, որը չէր ժանգոտվում ֆոսֆորի բարձր պարունակության պատճառով: Այս երկաթե սյուներից մեկը՝ 7 մետր բարձրությամբ և մոտ 6 տոննա կշռով, տեղադրված է Հնդկաստանի Դելի քաղաքում գտնվող Քութուբ Մինար մինարեթի դիմաց։
4. Հնագույն համակարգիչ. Անթիկիթերիայի խորհրդավոր մեխանիզմը
1900 թվականին անհայտ նշանակության անսովոր բրոնզե առարկա հայտնաբերվեց Անտիկիթերա փոքրիկ կղզու մոտ՝ Կրետեից 25 մղոն հյուսիս-արևմուտք: Այն բանից հետո, երբ հետաքրքրասեր գիտնականները ջրից հանեցին այս արտեֆակտը և մաքրեցին այն, նրանք հայտնաբերեցին ինչ-որ բարդ մեխանիզմի մասեր, որոնք բաղկացած էին տարբեր ատամնանվակներից:
Այս մեխանիզմի իդեալական հավասարաչափ սկավառակներն ու մակագրությունների մնացորդները, ամենայն հավանականությամբ, համապատասխանում են նրա հիմնական գործառույթին։ Ամենայն հավանականությամբ, մեխանիզմը աստղագիտական ժամացույց է՝ առանց ճոճանակի, սակայն այս հնագույն «համակարգչի» մասին ոչ մի հիշատակում չի հայտնաբերվել ինչպես հունական, այնպես էլ հռոմեական գրականության մեջ։ Արտեֆակտը հայտնաբերվել է նավի կողքին, որը խորտակվել է ենթադրաբար մ.թ.ա. 1-ին դարում:
5. Լիկուրգի գավաթ
Այս զարմանահրաշ արտեֆակտը ապացուցում է, որ մեր նախնիները ժամանակից առաջ են եղել: Գավաթի պատրաստման տեխնիկան այնքան կատարյալ է, որ դրա արհեստավորներն արդեն այն ժամանակ ծանոթ էին նրան, ինչ մենք այսօր անվանում ենք նանոտեխնոլոգիա:
Այս արտասովոր և յուրօրինակ գավաթը, որը պատրաստված է երկքրոիկ ապակուց, ի վիճակի է փոխել իր գույնը՝ կախված լուսավորությունից, օրինակ՝ կանաչից մինչև վառ կարմիր։ Այս անսովոր էֆեկտը տեղի է ունենում այն պատճառով, որ երկքրոիկ ապակին պարունակում է փոքր քանակությամբ կոլոիդային ոսկի և արծաթ:
