Ինչ ունեցվածք են հայտարարագրել ՊՆ նախարարն ու փոխնախարարները
Շարունակելով ընթերցողների ուշադրությանը ներկայացնել բարձրաստիճան պաշտոնյաների ներկայացրած գույքի և եկամուտների հայտարարագրերը՝ այսօր կանդրադառնանք ՊՆ նախարար Սուրեն Պապիկյանի և վերջինիս տեղակալների ներկայացրած տվյալներին:
Եվ այսպես՝ նախարարը հայտարարագրել է 3 հողամաս Լոռու մարզի Բերդ համայնքում, որոնք ձեռք է բերել 2003 թվականին, և մեկ բնակարան Երևանի Արաբկիր վարչական շրջանում, որը գնել է 2019 թվականին։ 2021-ի սկզբին Պապիկյանի բանկային հաշիվներին եղել է 8,638,988 դրամ, 4,432 եվրո և 4,901 դոլար մնացորդ, որը տարվա վերջում դարձել է 22,395,264 դրամ, 4,403 եվրո, դոլարի չափը չի փոխվել։ Նախարարը նաև նշել է 5,000,000 դրամ, 8,000 դոլար և 1,000 եվրո կանխիկ գումար։ 2021-ի վերջում դրամի չափը չի փոխվել, բայց արտարժույթով կանխիկ գումարը դարձել է 11,000 դոլար և 3,000 եվրո։ 2021 թվականի ընթացքում Պապիկյանի եկամուտները ընդհանուր կազմել են 23,031,224 դրամ, որից 11,729,548 դրամը աշխատավարձ է Տարածքային կառավարման և ենթակառուցվածքների նախարարությունից, 6,283,127 դրամը՝ վարչապետի աշխատակազմից, 2,119,072 դրամը՝ Պաշտպանության նախարարությունից, 1,899,477 դրամն էլ այլ տեսակի եկամուտ է Ֆինանսների նախարարությունից, ևս 1,000,000 դրամ եկամտի աղբյուր Պապիկյանը չի նշել։
ՊՆ նախարարի տեղակալ Արման Սարգսյանը հայտարարագրել է բնակարան, ավտոկանայտեղի, հողին ամրակցված այլ անշարժ գույք: 2021-ին վերջինս ձեռք է բերել LEXUS մակնիշի ավտոմեքենա, կանխիկ հայտարարագրված գումարը կազմել է 3,500,000.00 դրամ և 19,000.00 ԱՄՆ դոլար: Հաշվետու տարվա եկամուտները կազմել են 21,840,309.00 դրամ:
Սուրեն Պապիկյանի երկրորդ տեղակալ Կարեն Բրուտյանը հայտարարագրել է նվիրատվություն ստացած անհատական բնակելի տուն, ինչպես նաև բնակարան՝ բազմաբնակարան բնակելի շենքում, որը ժառանգություն է ստացվել 2017-ին: Պաշտոնյայի հանձնած և ստացած փոխառությունները կազմել են 35,000,000.00 և 48,000,000.00 ՀՀ դրամ, 5,000.00 եվրո: Բանկային հաշվի մնացորդները կազմել են 450,000.00 ՀՀ դրամ: Կանխիկ դրամը՝ 55,000,000.00 դրամ, 40,000.00 ԱՄՆ դոլար և 50,000.00 եվրո: Հաշվետու տարվա եկամուտները կազմել են 24,594,192.00 դրամ:
