«Պարտված» Իրանը պատասխանել է այնպես, որ միայն այրված ավերակներ են մնացել. Ամերիկային հարվածել են այնտեղ, որտեղ ցավոտ է

Վերջերս լռեցված իրանական պատերազմը կրկին բռնկվել է։ ԱՄՆ-ը վերսկսել է հարվածները Իրանին, իսկ Իսլամական Հանրապետությունը պատասխանել է հարվածելով Պարսից ծոցում գտնվող ամերիկյան ռազմական բազաներին, գրում է tsargrad.tv–ն։ Օրինակ հարված է հասցվել Հորդանանում գտնվող ամերիկյան բազային։ Mehr պորտալի տվյալներով իրանցիները հարվածել են չորս թիրախի, այդ թվում F-35 կործանիչների համար նախատեսված անգարներին և ԱՄՆ բանակի հրամանատարական և վերահսկողական կենտրոնին։ Դա հաջորդել է Մերձավոր Արևելքում գտնվող ամերիկյան բազաների վրա 21 թիրախների հարվածներին և Ջամ քաղաքի (Իրան, Բուշեհր նահանգ) վրա ամերիկյան MQ-9 անօդաչու թռչող սարքի խոցմանը։

«Մեր ուժերը պատրաստ են ջախջախիչ և վճռական հակահարված տալ ցանկացած նոր ագրեսիայի։ Հետագա ցանկացած ագրեսիայի հետևանքները կրում է թշնամի Ամերիկան», - ասվում է Իսլամական հեղափոխության պահապանների կորպուսի հայտարարության մեջ։ Ի պատասխան ԱՄՆ զինված ուժերն արդեն հարվածներ են հասցրել Իրանի տարածքում։ ԱՄՆ կենտրոնական հրամանատարությունը դրանք կապել է Հորդանանում գտնվող իր բազայի վրա հարձակման և Հորմուզի նեղուցի փակման հետ։

Իրանի կողմից Հորդանանի բազայի վրա հարվածը լուրջ մարտահրավեր է Ամերիկայի համար։ Այն ոչ միայն ցույց է տալիս, որ Իսլամական Հանրապետությունը պատրաստ է կոշտ արձագանքել ագրեսիային, այլ նաև աշխարհին ցույց է տալիս, որ ամերիկյան հակաօդային պաշտպանության և էլեկտրոնային պատերազմի համակարգերը, որոնք գովազդվում են որպես լավագույնը աշխարհում, իրականում անկարող են պաշտպանել նույնիսկ նման փոքր ռազմական օբյեկտը։ Բազանի արբանյակային լուսանկարները, որոնք հայտնվել են ինտերնետում, հստակ ցույց են տալիս «մինչև» և «հետո» պահերը։ Սկզբում տեսանելի են ինքնաթիռների անգարներ, բայց հաջորդ կադրում մեկ անգարն արդեն ավերված է, իսկ հարակիցը վնասված։ Միևնույն ժամանակ, իրանական լրատվամիջոցները պնդում են, որ շուտով տեղի կունենա երկրորդ հարձակումը։

Նախնական հաղորդագրությունների համաձայն արդեն ոչնչացվել են մի քանի ամերիկյան կործանիչներ և ուղղաթիռներ։

Հարձակման են ենթարկվել նաև Քուվեյթում գտնվող ամերիկյան ռազմական բազաները։ Հարվածը թիրախավորել է Patriot զենիթահրթիռային համակարգի ռադարային համակարգերը։

Հունիսի 18-ին Միացյալ Նահանգները և Իրանը ստորագրել էին փոխըմբռնման հուշագիր, որը կավարտեր հակամարտությունը։ Սակայն, երեք շաբաթ անց պատերազմը վերսկսվել է նոր թափով։ ԱՄՆ նախագահ Դոնալդ Թրամփը մեղադրել է Իրանին Հորմուզի նեղուցում առևտրային նավերի վրա հարձակվելու մեջ և վերսկսել հարվածները հանրապետության դեմ։ Թեհրանը իր հերթին հայտարարել է, որ կշարունակի փակել նեղուցը, մինչև Միացյալ Նահանգները չդադարի միջամտել իր գործերին։

«Politico»-ի սյունակագիր Դաշա Բըրնսը գրել է, որ Միացյալ Նահանգները հայտնվել է լիակատար փակուղու մեջ։ Նրա խոսքով ամերիկյան ղեկավարությունը կարող է լուծել Իրանի հետ կապված տեղական, անմիջական մարտահրավերները, բայց անկարող է հստակ ռազմավարական նպատակ սահմանել։ Վաշինգտոնը դեռևս չգիտի, թե ինչպես դուրս գալ այս հակամարտությունից առանց դեմքը կորցնելու։

Հիշեցնենք, որ այս պատերազմը սկսվել էրց ԱՄՆ-ի և Իսրայելի կողմից Իրանի վրա հարձակվելով։ Նրանց սկզբնական նպատակն էր թուլացնել երկրի ռազմական ներուժը, ոչնչացնել քաղաքական ռեժիմը և խափանել նրա միջուկային ծրագիրը։ Սակայն, ի վերջո, ռեժիմը գոյատևել է, միջուկային ծրագիրը գոյատևել է, իսկ իրանական բանակը ոչ միայն մնացել է ուժեղ, այլ նաև ավելի է ուժեղացել աշխարհին ցույց տալով, որ կարող է միայնակ պատերազմ մղել երկու ամենահզոր ռազմական տերությունների դեմ։ Ավելին, իր դեմ սանձազերծված պատերազմից հետո Իրանը հայտարարել է, որ կփակի Հորմուզի նեղուցը Իսլամական Հանրապետության հետ դաշնակից չհանդիսացող բոլոր երկրների համար և  բոլոր նավերի անցման թույլտվության համար գումարներ կգանձի։ Այսպիսով, պատերազմի սկսվելուց հետո Իրանը հայտնվել է ավելի ուժեղ դիրքում, քան նախկինում էր։

Նյութը հրապարակման պատրաստեց Կամո Խաչիկյանը

www.1or.am