Ես թաքցնելու ոչինչ չունեմ. Ջուսն իր անկեղծ լուսանկարների և սկեսուրի հետ ունեցած հարաբերությունների մասին
ՊԱՏՄՈՒԹՅԱՆ ԱՅՍ ՕՐԸ
«Ես արտիստ եմ, հետևաբար հնարավոր է հանդես գամ տարբեր կերպարներով և ֆոտոշարքերով»,-Asekose.am-ի հետ զրույցում նշեց երգչուհի Ջուսը՝անդրադառնալով համացանցում հայտնված մի հրապարակման, որում ներկայացված էին Ջուսի այն լուսանկարները, որոնք ըստ հեղինակի՝ պետք է հեռու մնան երգչուհու սկեսուրի աչքից, քանի որ խայտառակ, անհեթեթ ու գռեհիկ լուսանկարներ են:
Ջուսը խոստովանեց, որ տվյալ լուսանկարներն իրեն շատ դուր են գալիս, և ինքը դրանք գեղեցիկ է համարում.
«Ինձ համար շատ գեղեցիկ ֆոտոշարք է, ինձ շատ են դուր գալիս այդ լուսանկարները: Ես թաքցնելու ոչինչ չունեմ, ինչպես սկեսուրս, այնպես էլ բոլորը կարող են տեսնել այդ լուսանկարները: »:
Այն հարցին, թե ինչպիսի հարաբերություններ ունի այսօր ամուսնու մայրիկի հետ՝ երգչուհին պատասխանեց.
«Դա մեզ համար արդեն փակ թեմա է, ամուսինս չի ցանկանում այդ թեման հանրայնացնել, հետևաբար` չեմ կարող խոսել այդ մասին»:
Զրույցի վերջում Ջուսը խոսեց երեխա ունենալու մասին.
«Մեր ընտանիքի համալրումը մեր պլաններում առաջնային է, պարզապես, ինչպես ավելի վաղ նշել եմ, բնակարանի և այլ խնդիրներ կան, որոնց հարթվելուց հետո, մենք անպայման փոքրիկ կունենանք»:
Հեղինակ՝Ա.Հարությունյան
