Ծամոնի հրաշագործ ազդեցությունը հետվիրահատական շրջանում
ԱՄԵՆԱԸՆԹԵՐՑՎԱԾ
Մեծ Բրիտանիայի բժիշկները, ստամոքսի քաղցկեղից վիրահատված հիվանդներին խորհուրդ են տալիս ծամել առանց շաքարի ծամոն, որպեսզի շուտ վերականգնվի ստամոքսի և աղիների աշխատանքը: Այս անսովոր մեթոդը հնարավորություն կտա հիվանդներին մի քանի օր շուտ դուրս գրվել հիվանդանոցից, հայտնում է The Telegraph-ը:
Բժիշկները խորհուրդ են տալիս այս մեթոդը կիրառել օրը երեք անգամ: Ծամել հարկավոր է մեկ ժամ: Բժիշկները պնդում են, որ հիվանդների հետվիրահատական վերականգնմանը խանգարում է աղիքների խցանումը: Ծամոնը նպաստում է թքարտադրությանը, որն աշխատացնում է ենթաստամոքսային գեղձը, որն էլ իր հերթին արտադրում է ֆերմենտներ: Իսկ ֆերմենտները խթանում են ստամոքսի և աղիների աշխատանքը:
Գիտնականներն ապացուցել են, որ ծամոնը օգնում է ոչ միայն քաղցկեղից վիրահատվածներին, այլև երիտասարդ մայրերին, որոնք կեսարյան հատումից հետո գտնվում են հիվանդանոցում:
Այն հիվանդներին, ովքեր ստամոքսի վիրահատություն են տարել և կծկումներ են ունենում, նույնպես կօգնի ծամոնը: Օրգանիզմի վրա ծամոնի ազդեցությամբ բժիշկները հետաքրքրվեցին մի քանի ամիս առաջ և հայտնի դարձավ, որ այն հիվանդները, ովքեր օգտվել են այս խորհուրդից, գտնում են, որ այս մեթոդը շատ արդյունավետ է:
Առայժմ այս արդյունքները չեն հրապարակվել և շատ գիտնականներ չեն հավաում ծամոնի հրաշագործ հատկությանը:
Նյութը հրապարակման պատրաստեց Past.am-ը:
