Զինվորն այսօր առավել պատրաստ է. Արցախի հրետանային զորամասի հրամանատարի տեղակալ
ՀԱՍԱՐԱԿՈՒԹՅՈՒՆԱպրիլյան պատերազմի ժամանակ բանակի հրետանին իրեն փայլուն դրսեւորեց եւ կարողացավ իր առջեւ դրված խնդիրները կատարել պատվով։ Այս մասին ասաց Արցախի հրետանային զորամասի հրամանատարի անձնակազմի հետ տարվող աշխատանքների գծով տեղակալ փոխգնդապետ Գառնիկ Ավանեսյանը։
Նրա խոսքով՝ զորամասում ամեն օր մարտական պատրաստվածության դասընթացների միջոցով ավելի է բարձրացվում զինծառայողների մարտունակությունը։
«Նախքան ապրիլյան ռազմական գործողությունների վերսկսելը, զորամասն էլի, ինչպես հիմա մշտապես, պատրաստվում էր մարտական պատրաստվածությամբ մարտունակության խնդիրները կատարմանը: Զինվորն այն ժամանակ էլ էր պատրաստ, այսօր առավել պատրաստ է»,- ասաց հրամանատրի տեղակալը։
Փոխգնդապետի խոսքով՝ զորամասում առկա են անհրաժեշտ բոլոր պայմանները, որպեսզի զինծառայողները սովորեն հրետանավորի կարեւոր մասնագիտությունը, միեւնույն ժամանակ ստեղծված են բոլոր հարմարությունները, որպեսզի զինվորն իրեն զգա հարազատ միջավայրում:
Վերջերս ռազմական տեսչության ստուգումների ժամանակ զորամասի մարտկոցներից մեկը զբաղեցրել է պատվավոր առաջին տեղը: Զինվորներ Ռազմիկ Բադալյանը եւ Սերգեյ Ալիխանյանը, ասում են, հպարտություն էին զգում, երբ ամեն կրակոցից հետո լսում էին «գերազանց է» գնահատականը:
«Հրետանավորը չի տեսնում իր կրակը, միայն լսում է ձայնը եւ հրամանատարների ձայնը՝ գերազանց, լավ, թե ինչպես ենք խոցել մեզ հանձարարված թիրախներըը: Գերազանցապես կարողացանք հասնել այն ամենին, ինչ որ պահանջվում էր մեզանից»,– ասաց Բադալյանը։
«Զորամասում առօրյան անցնում է շատ հագեցած, ամեն աշխատանքային օրը սկսվում է ֆիզիկական պատրաստվածությունից, որը մեր մեջ ավելացնում է առողջ ապրելակերպի ձգտում: Բոլորս գիտենք մեր խնդիրը, մեզ առաջադրված կարեւոր գործը, որ մենք անում ենք մեր հայրենիքի, մեր սիրելի մարդկանց համար»,– ասաց Ալիխանյանը։
Այստեղ հոգացել են նաեւ զինվորների հանգստի մասին․ «Ինչը, որ ապահովում է մեր բանակը բոլորինը միանման է: Իրենց հանգստյան պարագաները՝ մահճակալը, բարձը, սրբիչը ապահովում է բանակը եւ դրանք միանման են, իսկ հիգենիկ պարագաներն ամեն մեկն իրենը համալրում է, միանմանությունը չի պահանջվում: Թրաշի պարագաները հիգենիկ պարագաներն զինվորը ձեռք է բերում իրեն տրամադրված դրամական բավարարությամբ»,– պատմեց մարտկոցի հրամանատար կապիտան Վահե Վահրադյանը։
Զորամասում ճաշարանի խնդիրը վերջերս է լուծվել։ Այսօր արդեն զինվորներն ունեն ընդարձակ եւ տեխնիկապես հագեցած ճաշարան:
Զինծառայողների առողջական վիճակին հետեւում են բուժծառայողները: Հիվանդություններից խուսափելու համար բուժկետի պետ Գոռ Ապրեսյանն ասաց զորամասի շինությունները պարբերաբար ախտահանվում են:
«Ընդունելության ժամերը մեզ մոտ 4-6-ն են կատարվում, բայց կապված խնդրի հրատապությունից կարող են իրենց կողմից ուղեկցողի հետ դիմել զորամասի բուժկետ առողջական խնդրի լուծում տալու համար: Կախված սեզոնից ցուրտ եղանակների դիմում են մրսածության, ջերմության զգացումով, իսկ ավելի շոգ եղանակներին՝ ամառային, աղիքային եւ մաշկային խնդիրներով»:
Զորմասում են փորձում են կանխել ներքին միջադեպերը, ասում են՝ ամեն զինվորի հետ աշխատում են, որպեսզի նրանք համախմբված լինեն եւ ռազմական գործողություններին պատրաստ։
