Որքա՞ն աշխատավարձ են ստանում տարբեր երկրների նախագահները․ ծայրահեղությունից ծայրահեղություն
ՄԻՋԱԶԳԱՅԻՆՄյուսների աշխատավարձի չափը միշտ էլ հետաքրքրել է մարդկանց, բայց, իհարկե, այնքան էլ քաղաքավարի չէ դիմացինին հարցնել, թե ինչքան աշխատավարձ է ստանում։
Եթե սովորական մարդկանց դեպքում եկամտի չափը թաքցնելը շատ հեշտ է, ապա պետական պաշտոնյաների դեպքում դա ամենևին էլ այդպես չէ։ Օրինակ՝ նախագահի, վարչապետի և այլ պաշտոնյաների աշխատավարձերը հայտնի են բոլորին։
Ահա ձեզ ենք ներկայացնում, թե որքան աշխատավարձ են ստանում այս երկրների նախագահները։
Դոնալդ Թրամփ, ԱՄՆ նախագահ
Տարեկան աշխատավարձը՝ $1
Նվազագույն աշխատավարձը երկրում՝ $1,160
ԱՄՆ նախագահի տարեկան աշխատավարձը $400,000 է, սակայն Դոնալդ Թրամփը հրաժարվել է իր աշխատավարձից՝ ասելով, որ տարեկան կստանա 1 դոլար, քանի որ օրենքն այդքան է սահմանում որպես նվազագույն չափ։ Հիշեցնենք, որ ԱՄՆ նախագահի կարողությունը 3 միլիարդ դոլար է, ուստի նա դժվար թե տարեկան այդ 400,000 դոլարի կարիքն ունենա։
Պետրո Պորոշենկո, Ուկրաինայի նախագահ
Տարեկան աշխատավարձը՝ $12,220
Նվազագույն աշխատավարձը երկրում՝ $133
Ըստ Forbes-ի՝ Պորոշենկոն Ուկրաինայի 6-րդ ամենահարուստ մարդն է։ Նրա կարողությունը 1,6 միլիարդ դոլար է։
Սի Ցզինպին, Չինաստանի Ժողովրդական Հանրապետության նախագահ
Տարեկան աշխատավարձը՝ $20,500
Նվազագույն աշխատավարձը երկրում՝ $150-$300
Չինաստանի նախագահի ամսական աշխատավարձն ընդամենը 1,716 դոլար է։ Նախկինում այն ավելի քիչ էր, ու միայն 2015-ին այն բարձացվեց 62%-ով։
Սաուլի Նինիստո, Ֆինլանդիայի նախագահ
Տարեկան աշխատավարձը՝ $146,700
Նվազագույն աշխատավարձը երկրում՝ $2,000 (ըստ ոչ պաշտոնական աղբյուրների)
Աշխարհի ամենահարուստ երկրներից մեկի նախագահը, ով երկրորդ շրջանն է զբաղեցնում այդ պաշտոնը, ամսական 12,225 դոլար է վաստակում։
Վլադիմիր Պուտին, Ռուսաստանի Դաշնության նախագահ
Տարեկան աշխատավարձը՝ $151,000
Նվազագույն աշխատավարձը երկրում՝ $140
Թերեզա Մեյ, Միացյալ Թագավորության վարչապետ
Աշխատավարձը՝ տարեկան $198,500
Նվազագույն աշխատավարձը երկրում՝ $1,569
Խիստ բնավորության տեր Թերեզա Մեյը կոշիկների սիրահար է։ Նա կոշիկների բավականին թանկարժեք հավաքածու ունի։ Ի դեպ՝ նա իր բոլոր կոշիկները թափանցիկ տուփերի մեջ է պահում, որպեսզի իր ցանկացածը փնտրելիս ավելորդ ժամանակ չվատնի։
Էմանուել Մակրոն, Ֆրանսիայի նախագահ
Աշխատավարձը՝ տարեկան $211,500
Նվազագույն աշխատավարձը երկրում՝ $1,758
Ֆրանսիայի երբևէ ամենաերիտասարդ նախագահն այդ պաշտոնում ընտրվելուց առաջ էլ հաջողակ բիզնեսմեն էր բանկային ոլորտում։ Մակրոնին ժամանակին կոչում էին «Ֆինանսների Մոցարտ»։
Անգելա Մերկել, Գերմանիայի Կանցլեր
Աշխատավարձը՝ տարեկան $263,000
Նվազագույն աշխատավարձը երկրում՝ $1,780
Մերկելն էլ հրաժարվել էր կանցլերին պետության կողմից հատկացվող բնակավայրից։ Փոխարենը նա ապրում է սովորական բնակարանում։
Ջասթին Տրյուդո, Կանադայի վարչապետ
Աշխատավարձը՝ տարեկան $267,000
Նվազագույն աշխատավարձը երկրում՝ միջինը $1,400` կախված նահանգի օրենսդրությունից
Լի Սյանլուն, Սինգապուրի վարչապետ
Աշխատավարձը՝ տարեկան $2,2 միլիոն
Նվազագույն աշխատավարձը երկրում՝ $1,000 (ըստ ոչ պաշտոնական աղբյուրների)
Լի Սյանլունը վարչապետի պաշտոնը ժառանգել է իր հորից, ում շնորհիվ Սինգապուրի տնտեսությունը կտրուկ աճ ապրեց։ Նախկինում նախագահի աշխատավարձն ավելի բարձր էր, սակայն տարիներ առաջ այն կրճատվեց 32%-ով։ Սակայն Լի Սյանլունի կարծիքով իր աշխատավարձն ամենաևին էլ բարձր չէ, այն նորմալ ու ռեալ է իր պաշտոնի համար։
Սերժ Սարգսյան, Հայաստանի Հանրապետության նախագահ
Տարեկան աշխատավարձը՝ Դ15,873,600 ($33,070)
Նվազագույն աշխատավարձը երկրում՝ Դ55,000 (մոտավորապես $55)
ՀՀ ինչպես գործող նախագահի և հաջորդ՝ ավելի քիչ լիազորություններ ունեցող նախագահի համար օրենքը սահմանում է աշխատավարձի նույն չափը՝ ամսական 1,322,800 դրամ։
Աղբյուրը՝ ԱՅՍՏԵՂ:
