Աշխարհի ամենասարսափելի և ամենավտանգավոր հիվանդությունները, որոնք մարդու կյանքն իսկապես դժողքի են վերածում. Տեսանյութ
ՎԻԴԵՈԱռավել մանրամասն Այստեղ
Այսօր գույություն ունեն բազմաթիվ հազվադեպ հանդիպող հիվանդություններ: Սակայն գոյություն ունեն նաև շատ վտանգավոր հիվանդություններ, որոնք կարող են սկզբնական շրջանում ոչ մի կեպ չդրսևորվել, սակայն շատ արագ զարգանալ:
Այդ հիվանդությունների որոշ մասը ընդգրկված է ԱՀԿ-ի «հատուկ վտանգավոր ինֆեկցիաների» ցուցակի մեջ: Դա բացառիկ համաճարակային վտանգ ներկայացնող ինֆեկցիոն հիվանդությունների որոշակի մի խումբ է:
Ձեզ ենք ներկայացնում 7 վտանգավոր ինֆեկցիաներ
1. Նեկրոտիկ ֆասցիտ
Սա շատ ծանր բակտերիալ ինֆեկցիա է, որը տարածվում է շատ արագ ու ախտահարում է փափուկ հյուսվածքները: Այն կարող է հայտնվել սննդային թունավորումից, վիրահատական միջամտությունից, ծննդաբերությունից, քրոնիկ հիվանդություններից հետո:
Այս ինֆեկցիան նաև անվանում են սուր մաշկային փտախտ, իսկ նրա առաջին ախտանշանները շատ են նման սովորական գրիպին:
Հիվանդությունը զարգանում է ու մաշկի վրա հայտնվում են մուգ կետեր: Այս փուլում շատ կարևոր է ստանալ բժշկական օգնություն ու սկսել հակաբիոտիկներով բուժում, հակառակ դեպքում այն կարող է հանգեցնել մահվան:
2. Ցերեբրովասկուլյար հիվանդություններ
Դա մեկ կամ ավելի շատ գլխուղեղային արյան անոթների պաթոլոգիական ախտահարումն է: Ուղեղի որոշակի հատված արյան մատակարարման խախտումը կամ խցանումը բերում է կաթվածի(ինսուլտ): Գլխուղեղի արյան շրջանառության խանգարումները կարող են կրել ինչպես քրոնիկ, այնպես էլ սուր բնույթ: Հենց այս հիվանդություներն են համարվում սրտանոթային համակարգի հիվանդությունների խմբում մահացության 2-րդ տարածված պատճառները:
3. Էբոլա տենդ
Դա շատ վտանգավոր վարակ է, հիվանդության դեպքում 50%-ից մինչև 90 %-ը մահանում են: Այս վիրուսի պատվաստանյութը դեռևս չի հայտնաբերվել: Հիվանդությունը փոխանցվում է արյան միջոցով: Ինկուբացիոն շրջանը տևում է 2-ից 3 շաբաթ, իսկ նախանշաների թվում հանկարծակի հայտնվող տենդն է, թուլությունը, մկանային ցավերը, գլխացավերը, կոկորդի ցավերը, փորլուծությունը, երիկամների ու լյարդի ախտահարումը, ներքին ու արտաքին արնահոսությունը: Մահը վրա է հասնում 24 ժամ հետո:
4. Այտուցային ժանտախտ
Դա ժանտախտի ամենահայտնի ենթատեսակն է, որը դարձել է ավելի քան 50 միլիոն մարդու մահվան պատճառ: Հիվանդությունը առաջացնում է « Yersinia pestis» բակտերիան, ինկուբացիոն շրջանը մի քանի ժամից մինչև 12 ժամ է տևում: Ամենավառ ախտանշաներն են՝ շատ բարձր ջերմությունն ու թևատակերում ավշային հանգույցների մեծացումը: Եթե ժամանակին չսկսել բուժումն ապա 3-ից 5 օր հետո հիվանդը կարող է մահանալ:
5. Խոլերա
Դա սուր աղիքային ինֆեկցիա է, որը զարգանում է կեղտոտ ջրի ու սննդակարգի մեջ «Vibrio cholerae» բակտերիաներով ախտահարված մթերքների օգտագործման արդյունքում: Առանձին դեպքերում խոլերան կարող է մի քանի ժամվա ընթացքում դառնալ մարդու մահվան պատճառ: Ինկուբացիոն շրջանը կարճ է՝ մի քանի ժամից մինչև 5 օր: Հիվանդի մոտ այդ ընթացքում կարող է սկսել ուժեղ փորլուծություն, որը կարող է հանգեցնել ջրազրկման ու մահվան:
6. Սիբիրյան խոց
Հիվանդությունը ընթանում է կայծակնային ու շատ սուր: Բնորոշվում է ինտոքսիկացիայով, մաշկի, ավշային հանգույցներում ու ներքին օրգաններում բորբոքումների առաջացմամբ: Հիվանդությունը դեռ հին ժամանակներից է հայտնի և բավականին տարածված է եղել նախահեղափոխական Ռուսաստանում:
Այս հիվանդությամբ կարող են վարակվել և մարդիկ և կենդանիները (խոշոր եղջերավոր անասուները, ձիերը, այծերը, ուղտերն ու այլն), ընդ որում ապացուցված է որ մարդը կարող է վարակվել կենդանիներից:
Սիբիրյան խոցի հարուցիչն է համարվում « Bacillus anthracis» բակտերին: Բակտերիայի սպորները բավականին կայուն են ու կարող են պահպանվել տարիներով(օրինակ այն արոտավայրի հողի մեջ, որտեղ վարակված կենդանիներ են եղել): Ինֆեկցիան կարող է մարդու օրգանիզմ ներթափանցել վնասված մաշկի միջոցով:
7. Տուլարեմիա
Հիվանդությունը բնորոշվում է ինտոքսիկացիայով, տենդով ու ավշային հանգույցների ախտահարմամբ: Հիվանդության հարուցիչը համարվում է «Francisella tularensis» բակտերիան: Տուլարեմիայի կրողները համարվում են նապաստակները, ճագարները, առնետներն ու մկները:
Հիվանդությունը հաճախակի մարդուն է փոխանցվում կենդանիների հետ անմիջական շփման արդյունքում(օրինակ որսի ընթացքում), կամ ջրի ու ախտահարված սննդամթերքների միջոցով, առավել հազվադեպ փոխանցվում է մոծակների, տիզերի խայթոցի հետևանքով: Հիվանդության ինկուբացիոն շրջանը մի քանի ժամից մինչև 21 օր է(միջինում 3-ից 7 օր): Գոյություն ունեն տուլարեմիայի մի քանի տեսակներ: Հաճախակի հիվանդությունը սկսում է շատ արագ, ջերմության արագ բարձրացմամբ՝ 38,5—40°С, որը ուղեկցվում է գլխացավերով, մեջքի մկաների ցավերով, գլխապտույտով և այլ:
