11 խորհուրդ Իոսիֆ Բրոդսկուց` կյանքի դժվար պահերի համար

Իոսիֆ Բրոդսկու աշխարհայացքը մեծ դժվարությամբ կարելի է լավատեսական համարել, սակայն մեծ բանաստեղծը և փիլիսոփան լավ գիտեր, որ կյանքի դժվար իրավիճակների դեմ  պետք  է և կարելի է պայքարել:

Ձեզ ենք ներկայացնում Բրոդսկու  լեկցիաներից, հարցազրույցներից  և ստեղծագործություններից մեջբերումներ, որոնք ձեզ կօգնեն հաղթահարել դժվարին պահերը:

1.        Ապրելը հեշտ է. Պետք է ուղղակի հասկանալ, որ կան մարդիկ, որոնք քեզանից լավն են: Դա շատ է հեշտացնում կյանքը:

2.        Անկախությունը կորցնելը շատ ավելի վատ է, քան անմեղությունը կորցնելը:

3.        Որքան էլ ծանր լինի ձեր իրավիճակը, աշխատեք դրանում չմեղադրել արտաքին ուժերին. պատմությանը, պետությանը, ղեկավարությանը, ռասային, ծնողներին, լուսնի փուլին, մանկությանը և այլն: Այն պահին երբ դուք մեղքը գցում եք ինչ-որ ուրիշ բանի վրա, դուք քայքաում եք ձեր վճռականությունը` ինչ-որ բան փոխելու:

4.        Աշխարհը, թերևս, այլևս փրկել հնարավոր չէ, բայց առանձին մարդուն փրկել միշտ կարելի է:

5.        Աշխատեք ուշադրություն  չդարձնել նրանց վրա, ովքեր ձեր կյանքը դարձնում են դժբախտ:  Այդպիսիք շատը կլինեն: Դիմացեք նրանց, քանի դեռ չեք կարող խուսափել նրանցից, բայց երբ  հնարավորություն առաջան ազատվել նրանցից, ապա  շտապ մոռացեք նրանց:

6.        Չարից պաշտպանության լավագույն ձևը ծայրահեղ ինդիվիդուալիզմն է, մտածողության օրիգինալությունը, նույնիսկ, եթե կուզեք, էքսցենտրիկությունը: Այսինքն այնպիսի մի բան, որը հնարավոր չէ կեղծել,  խաղալ կամ նմանակել: Այնպիսի բան, որը ի վիճակի չէ կեղծել անգամ փորձառու խաբեբան:

7.        Միայնությունը սովորեցնում է երևույթների էությունը, քանի որ դրանց էությունը նույնպես միայնությունն է:

8.        Կյանքում, իմ վարքում ես միշտ համարել եմ, որ ինչպես ստացվում է, այնպես էլ ստացվում է: Հետագայում, եթե քերականորեն նման ժամանակ ընդհանրապես գոյություն ունի, ամեն ինչ կընկնի իր տեղը:

9.        Մարդիկ վաղուց հաղթահարել են այն ժամանակները, երբ  ուժեղն էր ճիշտ:  Դրա համար աշխարհում չափից դուրս շատ են թույլերը: Միակ ճիշտ բանը` բարությունն է: Չարից, զայրույթից, ատելությունից, նույնսիկ եթե  դրանք համարվում են ճշմարիտ, որևէ մեկը չի շահում: Գոյության պայմանները շատ բարդ են, որպեսզի դրանք էլ ավելի բարդացվեն:

10.     Սեփական փորձից գիտեմ, որ որքան քիչ ինֆորմացիա  է ստանում քո ուղեղը, այնքան ավելի վառ է աշխատում երևակայությունը:

11.     Մի եղեք հիմար.  Եղեք այն, ինչ ուրիշները չեն եղել: