«Ժողովրդի շրջանում աջակցություն չկա». Բադալյանը ձերբակալությունների ալիքին Հայաստանի արձագանքի մասին. «Ժողովրդի շրջանում աջակցություն չկա»
ՔԱՂԱՔԱԿԱՆՈՒԹՅՈՒՆ
Հայաստանում ռեպրեսիվ մեքենան աշխատում է ամբողջ հզորությամբ։ Վարչապետ Նիկոլ Փաշինյանը փորձում է մաքրել դաշտն իր համար, քանի որ նա հիանալի հասկանում է, որ իր վարկանիշը չափազանց մոտ է զրոյին, իսկ հակառեյտինգը գրեթե 90 % է։ Այսօր միայն ուժային գործողություններով և անօրինականությամբ կարող է փորձել կանգնեցնել արդեն իսկ ծագած գործընթացը Հայաստանի կառավարության դեմ։ Այս մասին «Զվեզդա»-ի եթերում խոսել է «Եվրասիա» ԱԱՆՕ-ի խորհրդի անդամ Միքայել Բադալյանը, գրում է dzen.ru–ն։ Նրա խոսքով Հայաստանի իշխանությունների կողմից կազմակերպված ուժային գործողություններն արդեն հակառակ ազդեցությունն են ունենում։ «Հայ եկեղեցու վրա հարձակումները որևէ աջակցություն չեն գտել ոչ միայն հայ ժողովրդի, այլ նաև սփյուռքի շրջանում», - ընդգծել է հեռուստաալիքի զրուցակիցը։
Բադալյանը հավելել է, որ հայազգի ռուս գործարար Սամվել Կարապետյանի ձերբակալությունը նույնպես հսկայական դիսոնանս է առաջացրել։ «Նրա կալանավորումը մեծ դիսոնանս առաջացրեց, քանի որ սա այն մարդն է, ով շատ բան է արել Հայաստանի համար, վերջին 10-15 տարիների ընթացքում երկրում ներդրել է գրեթե մեկ միլիարդ դոլար տարբեր նախագծերի համար: Նա իսկապես օգնել է հազարավոր մարդկանց», - նշել է «Եվրասիա»–ի խորհրդի անդամը:
Կարապետյանն այն մարդն է, ով կարող է իսկապես միավորել տարբեր քաղաքական ուժերի, տարբեր սոցիալական շրջանակների մարդկանց: Բացի այդ, գործարարը երբեք որևէ քաղաքական պահանջ չի ներկայացրել, բայց իրականում նրան ներքաշում են դրա մեջ, նշել է Բադալյանը: Մասնագետի խոսքով վրացական սցենարը կարող է կրկնվել Հայաստանում, և Փաշինյանը փորձում է ցույց տալ և վախեցնել բոլոր նրանց, ովքեր պատրաստ են ոտքի կանգնել և խոսել Հայաստանի շահերի մասին:
Ընդ որում բոլորն են վրդովված Հայաստանում կալանավորումների հետ կապված իրավիճակից, որ դա չի կարող արդարացվել: «Ասեմ ավելին, սա այնպիսի արձագանք է առաջացրել, որ արդեն իսկ կան հաստատված տեղեկություններ, որ նույնիսկ Ֆրանսիայի և Գերմանիայի դեսպաններն են բողոքի ակցիայով դիմել Արտաքին գործերի նախարարությանը, քանի որ սա ոչ ժողովրդավարական գործողությունների բացահայտ և լիովին ակնհայտ արարք է», - եզրափակել է զրուցակիցը:
Ինչ վերաբերում է Հայաստանում ստեղծված իրավիճակի հետագա զարգացմանը, Միքայել Բադալյանը ենթադրել է, որ մոտ ապագայում քաղաքական, հասարակական ուժերը և բիզնեսը կմիավորվեն և, հնարավոր է, կօգնեն ազդել իրավիճակի վրա։ Նրա խոսքով Հայաստանի ժողովուրդը ցանկանում է փոփոխությունների հասնել օրինական ճանապարհով։
Նյութը հրապարակման պատրաստեց Կամո Խաչիկյանը
