Մանանեխը և շաքարավազը կնպաստեն մազերի արագ աճին (ֆոտո)
ՖՈՏՈ
Մանանեխի մածուկը վաղուց է հայտնի որպես մազերի աճը խթանող հիանալի միջոց։ Բացի այդ, այն չեզոքացնում է ավելորդ ճարպերը, բարելավում արյան շրջանառությունը, կարգավորում գեղձերի աշխատանքը։
Սակայն այս բաղադրիչը պետք է ճիշտ օգտագործել՝ գլխի մաշկը չչորացնելու համար, որը կարող է առաջացնել թեփ և մազերի կոտրվածություն։ Եթե ունեք ալերգիա կամ զգայուն մաշկ, ապա պետք է մանանեխը օգտագործեք հատուկ զգուշությամբ։ Այդ դեպքում ճիշտ կլինի դրա մեջ ավելացնել ձիթապտղի յուղ կամ ձվի դեղնուց, կեֆիր։
Բաղադրատոմսը
- 2 ճաշի գդալ մանանեխի փոշի
- 2 ճաշի գդալ տաք ջուր
- 1 ձվի դեղնուց
- 2 ճաշի գդալ ձիթապտղի կամ ցանկացած կոսմետիկ յուղ
- 2 թեյի գդալ շաքարավազ
Պատրաստում
Խառնեք բոլոր բաղադրիչները մինչև համասեռ զանգված ստանալը։ Այս միջոցը կարելի է պատրաստել նաև առանց ձվի դեղնուցի, եթե դուք չեք սիրում դրա հոտը։ Ձուն կարելի է փոխարինել մեղրով։
Օգտագործում՝
Քսեք դիմակը՝ մազերը բաժանելով իրարից, քանի որ այն պետք է գործի հենց գլխի մաշկի վրա։ Միևնույն ժամանակ զգուշացեք դրա՝ մազերի ծայրերին հայտնվելուց։ Քսելուց հետո հագեք պոլիէթիլենային գլխարկ, իսկ հետո փաթաթեք գլուխը սրբիչով։
Պահեք դիմակը 15 րոպեից մինչև 1 ժամ։ Առաջին անգամ քսելիս պետք է անպայման պահել գոնե 15 րոպե, նույնիսկ եթե թվում է, որ գլխի վրա հրդեհ է։ Այդ ընթացքում ոչինչ չի պատահի, բայց դուք կսովորեք դրան և կկարողանաք հետագայում պահել 30 րոպե և ավել։
Դիմակը պատրաստեք շաբաթական 1 անգամ։ Եթե ձեր մազերը յուղոտ են, կարելի է նաև անել շաբաթական երկու անգամ։ Ընդհանուր կուրսը պետ է կազմի գոնե 1 ամիս։
Դրա արդյունքում ձեր մազերը կսկսեն ավելի արագ աճել, կդառնան խիտ և փափուկ։
