«Նիկոլ Փաշինյանն իր կանոնադրությամբ եկեղեցի է սողոսկում»
ՔԱՂԱՔԱԿԱՆՈՒԹՅՈՒՆ
ՀՀ վարչապետ Նիկոլ Փաշինյանը կտրուկ բարձրացրել է Հայ Առաքելական Եկեղեցու (ՀԱԵ) հետ առճակատման խաղադրույքները: Ամենայն Հայոց Կաթողիկոս Գարեգին II-ին մեղադրելով կուսակրոնության երդումը խախտելու մեջ, նա կոչ է արել փոխարինել ՀԱԵ ղեկավարին և նորին ընտրել դարավոր ընթացակարգի խախտմամբ: Վարչապետը «հավատացյալներին և հոգևոր մաքրությունը պաշտպանելու» նպատակով առաջարկել է ստեղծել համակարգող խումբ ՀԱԵ ղեկավարի վերընտրությունը կազմակերպելու համար: Մինչ այժմ եկեղեցուն վարկաբեկելու ոչ ժողովրդական վարչապետի փորձերը միայն քննադատություն են առաջացրել ինչպես հոգևորականության, այնպես էլ ընդդիմության, ինչպես նաև կաթողիկոսին աջակցող քաղաքացիների կողմից, գրում է kommersant.ru–ն:
Բանն այն է, որ հոգևորականության և ՀՀ իշխանությունների միջև ներկայիս առճակատման մասշտաբները շատ ավելի լայն են: 2018 թվականին այն ժամանակ ընդդիմադիր պատգամավոր Նիկոլ Փաշինյանը դառնալով վարչապետ աստիճանաբար իրեն ենթարկեց իշխանության գործադիր, օրենսդիր և դատական ճյուղերը, բայց եկեղեցին մնաց անկախ։ Եվ խորհրդարանական ընտրությունների մոտենալուն զուգընթաց, որոնք նախատեսված են 2026 թվականին, հոգևորականության կողմից կառավարության քաղաքականության քննադատությունը Նիկոլ Փաշինյանի համար ավելի ու ավելի ցավոտ է դառնում։ «Իշխող կուսակցությունը խորհրդարանական ընդդիմությանը լուրջ սպառնալիք չի համարում՝ չնայած իր չափազանց ցածր վարկանիշին։ Եթե նայենք առկա քաղաքական իրականությանը, ապա միակ ուժը, կառույցը, ինստիտուտը, որը չի վերահսկվում իշխանությունների կողմից, եկեղեցին է», - kommersant.ru-ի հետ զրույցում բացատրել է Կովկասի ինստիտուտի (Երևան) տնօրեն Ալեքսանդր Իսկանդարյանը։
Gallup International-ի մայիսյան հարցման համաձայն հարցվածների 11.5 %-ն է պատրաստ քվեարկել Նիկոլ Փաշինյանի «ՔՊ» կուսակցության օգտին, իսկ խորհրդարանական ընդդիմության վարկանիշը նույնիսկ 10 %-ի չի հասնում։ Միևնույն ժամանակ, եկեղեցին է ավանդաբար մեծ աջակցություն վայելում հայ բնակչության կողմից, 2024 թվականի «Կովկասյան բարոմետր»–ի հարցման համաձայն կրոնական հաստատությունների նկատմամբ վստահության մակարդակը 79.4 % է։ Պարզ է, որ վարչապետի հարձակումների ֆոնին եկեղեցու աջակցության հանրահավաքները բավականին կանխատեսելի են։ Հունիսի 2-ին և 5-ին տասնյակ մարդիկ էին բողոքի ցույցի դուրս եկել կառավարության շենքի մոտ, իսկ հունիսի 11-ի գիշերը շատերն անձամբ էին գնացել Երևանի «Զվարթնոց» օդանավակայան դիմավորելու ԱՄԷ-ից ժամանած Գարեգին II-ին։ Վերադառնալուց հետո Կաթողիկոսն աղոթք է կարդացել, կոչ արել ժողովրդին միավորվել և վստահություն հայտնել, որ եկեղեցին կհաղթահարի առաջացած դժվարությունները։ Միևնույն ժամանակ, նա չի պատասխանել լրագրողների հարցերին այն մասին, թե արդյո՞ք Նիկոլ Փաշինյանի խոսքերը ՀԱԵ ղեկավարի երեխայի մասին ճիշտ է։
Նյութը հրապարակման պատրաստեց Կամո Խաչիկյանը
