Հայաստանում կանխատեսել են Փաշինյանի պարտությունը հաջորդ ընտրություններում
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը գործնականում ոչ մի լեգիտիմություն չունի, նրան աջակցում է երկրի քաղաքացիների առավելագույնը 11 %-ը, news.ru–ի հետ զրույցում ասել է քաղաքագետ, «Մայր Հայաստան» շարժման առաջնորդ Անդրանիկ Թևանյանը։ Նրա խոսքով կառավարության ներկայիս ղեկավարը կպարտվի հաջորդ խորհրդարանական ընտրություններում, որոնք տեղի կունենան 2026 թվականին։
«Փաշինյանը, ըստ էության, ոչ լեգիտիմ է։ Տարբեր սոցիոլոգիական հարցումներ ցույց են տալիս, որ նրան աջակցում է Հայաստանի բնակչության առավելագույնը 11 %-ը։ Նրան մնացել են միայն վարչական ռեսուրսները։ Ես ընդունում եմ, որ այս բոլոր տարօրինակությունները, այդ թվում ուղիղ եթերում ձվածեղ պատրաստելու մասին պատմությունը, ուշադրություն գրավելու էժան շոուի մաս են կազմում։ Սրանք ոչ այնքան իմաստալից հուսահատ փորձեր են։ Բայց դրանք դժվար թե օգնեն նրան: Կարծում եմ, որ նա կպարտվի 2026 թվականի խորհրդարանական ընտրություններում», - ասել է Թևանյանը։
Քաղաքական գործչի խոսքով Փաշինյանը խամաճիկ է Արևմուտքի ձեռքում, նա աշխատել է «ԱՄՆ Դեմոկրատական կուսակցության՝ պատերազմի կուսակցության» հետ։ Թևանյանը կարծում է, որ հիմա էլ Միացյալ Նահանգներում իշխանության փոփոխությամբ նա դարձել է աշխարհաքաղաքական որբ։ «Եվ հիմա Փաշինյանը հանդիպելով ԱՄՆ փոխնախագահ Ջ.Դ. Վենսի հետ, փորձում է ցույց տալ, որ նորմալ հարաբերություններ ունի Վաշինգտոնի վարչակազմի հետ, չնայած իրականում նա ինքն է իրեն նվաստացնում ցույց տալով, որ կորցրել է իր հովանավորներին», - հավելել է քաղաքագետը։
Ավելի վաղ Փաշինյանը, երբ լրագրողներից մեկը մամուլի ասուլիսի ժամանակ նրան հարցրել էր, թե ինչո՞ւ էր նա ուղիղ եթերում ձվածեղ պատրաստում, մինչդեռ երկրում և աշխարհում տարբեր իրադարձություններ էին տեղի ունենում, շփոթվել էր և սկսել արդարանալ։ Բացի այդ, լրագրողը հիշեցրել էր, թե ինչպես էր Փաշինյանը մուրճ թափահարում և սպառնում «բոլորին ծեծել»՝ նկատի ունենալով ընդդիմության կողմնակիցներին։ Սակայն վարչապետը չէր կարողանում հիշել, որ դրանք հենց իր ասված խոսքերն են եղել։
Նյութը հրապարակման պատրաստեց Կամո Խաչիկյանը
