Փաշինյանի որդին որտե՞ղ է ծառայել, Ադրբեջանի տարածքո՞ւմ. այսինքն ինքն ընդունում է, որ իր որդին օկուպա՞նտ է. Շարմազանով
ՔԱՂԱՔԱԿԱՆՈՒԹՅՈՒՆՆիկոլ Փաշինյանն ամեն օր նոր մանիպուլյացիա է հորինում եւ մոլորության մեջ է գցում հանրությանը, չկա խաղաղության պայմանագիր, նույնիսկ չկա խաղաղության պայմանագրի նախագիծ, կա Հայաստանի ադրբեջանացման պայմանագիր կամ այդպիսի պայմանագրի նախագիծ: Այս մասին NEWS.am-ի հետ զրույցում նշեց ՀՀԿ խոսնակ Էդուարդ Շարմազանովը:
«Այն, ինչ անում է ՀՀ կառավարությունը, խաղաղություն չէ, հնազանդեցում է, Հայաստանի ադրբեջանացում է ադրբեջանական պայմաններով: Խաղաղությունն այն է, երբ մարդն ազատ է որոշելու իր ապագան, ունի ազատ կամք, ունի ինքնիշխանություն, ինքն է որոշում ինչպիսի սիմվոլներ ունենա, ինչ արժեհամակարգով իր պետությունն առաջնորդի: Իսկ այսօր Ալիեւը Հայաստանից պահանջում է մոռանալ Արցախը: Մինչ այդ Նիկոլ Փաշինյանը հոժարակամ Արարատ լեռից է հրաժարվում եւ ցուցադրական լուսանկարվում է Արագածի ֆոնին»,-ասաց նա:
Անդրադառնալով գերիների վերադարձին, Շարմազանովն ասաց. «Թեկուզ մեկ գերի էլ վերադառնա, ես դա դրական եմ գնահատում, բայց դրա դիմաց Հայաստանը հանձնում է դիվերսանտների: Երկրորդ, այդ 32 գերիները ո՞նց են գերության մեջ հայտնվել. Նիկոլ Փաաշինյանի տգետ, հիմար, հակահայկական քաղաքականության արդյունքում: Ով հիմա էլ այնտեղ է, Նիկոլի քաղաքականության արդյունքում է այնտեղ հայտնվել: Ոնց որ բժիշկը հիվանդին սպանի, հետո գա պանիխիդային, ծնողներն ասեն՝ էս ինչ լավ բժիշկ էր, եկավ պանիխիդային»:
Նա հիշեցրեց, որ վերջերս Նիկոլ Փաշինյանը հայտարարեց, որ դեռեւս 2018-ին համոզվել է, որ արցախյան էջը փակված է, ԼՂ անկախության մասին խնդիր չկա, ԼՂ-ն էլ Ադրբեջանինն է. «Բա եթե դեռ 2018-ին ինքը դա գիտեր որպես վարչապետ, որ խաղը փակված է, հաշվարկն էլ տված, պրծած է, բա ինչու տարավ էդ 5 հազար երեխեքի գլուխը կերավ, բա իր որդուն ինչո՞ւ էր ուղարկում Ադրբեջանում ծառայության: Իր որդի Աշոտը որտե՞ղ է ծառայել, Ադրբեջանի տարածքո՞ւմ: Այսինքն ինքն ընդունում է, որ իր որդին օկուպա՞նտ է:
Երբ ինքը 2020-ին գնացել, մասնակցել է Արայիկ Հարությունյանի երդմնակալությանը, կամ Ալիեւից է թույլտվություն հարցրել, որ գնացել է իր տարածք, կամ էլ գնացել է խալխի տանը թամադայություն է արե՞լ: Փաշինյանին մեկնաբանելը մարդկային տրամաբանության դեմ մեղք է»,- ընդգծեց Շարմազանովը:
