Հագուստներ, կերամիկա և գորգեր. Հայաստանում արհեստների փառատոն է
ՀԱՍԱՐԱԿՈՒԹՅՈՒՆ
Ntdtv.ru-ն գրում է, որ Դիլիջան քաղաքում ընթանում է հայերի մշակույթի և արվեստի փառատոնը։ Օրինակ արհեստավոր կանայք այցելուներին ցույց են տալիս հյուսելու գործընթացը։ Փառատոնի մասնակից
Առուշ Կարակեշիչյանը պատմել է. «Լրիվ այլ է կարպետ գործելը։ Կարպետը ձեռագործ է, որը գործվում է ոչխարի բրդից։ Յուրաքանչյուր կարպետ ունի իր նախշը, և յուրաքանչյուր տարածք ունի իր ուրուին նախշերը: Հայկական ավանդույթի համաձայն չամուսնացած աղջկա գլխի վերևն են հաստոցի շրջանակից նոր գորգը կտրում։ Ենթադրվում է, որ դրանից հետո նա արագ կամուսնանա։ Նախկինում գորգի ներկերը ստանում էին հիմնականում բույսերից, սերմերից և կեղևներից, օրինակ՝ ընկույզից։ Այդ տեխնոլոգիան այսօր էլ չի մոռացվել»։
Փառատոնի մեկ այլ մասնակից՝ Մարիամ Նալբանդյանն էլ ասել է.
«Գորգեր ենք պատրաստում բնական ներկված թելերով, բնական ներկված թելերի տեխնոլոգիայով։ Օգտագործում ենք հին հայկական «որթան կարմիր»-ը։ Դրանք որդեր են, որոնցից վառ կարմիր գույն է ստացվում։ Մենք օգտագործում ենք հնդկական ինդիգո, որը տալիս է կապույտ և կանաչ գույներ, Անմոռուկ ծաղիկ, որից դեղին գույներ են ստացվում»։
Քաղաքային այգում իրենց աշխատանքներն են ներկայացնում շուրջ 200 արհեստավորներ Հայաստանի բոլոր մարզերից։ Դրանք ազգային տարազներ և զարդեր, ասեղնագործություն, խաղալիքներ, մետաղական և քարե իրեր են։
«Քարից է, բնական քարից։ Դրա վրա պատկերված է տաճար՝ հայկական տաճար։ Դա Արցախի խորհրդանիշն է. Մեր երեխաներն են պատրաստել», - արտադրանքն է ցույց տալիս փառատոնի մասնակից Արման Ղազանյանը:
Փառատոնին մասնակցել է մոտ 2000 մարդ։
«Այս միջոցառումը շատ կարևոր է, քանի որ այստեղ բազմաթիվ համատեղ սեմինարներ կան։ Օրինակ՝ մեր գնած որոշ իրեր պատրաստված են Հայաստանի հարավում ստեղծված հայկական բրդից։ Ձեռագործ է, ձեռքով նկարված», պատմել է այցելու Սյուզաննան։
«Հրաշալի է, որ այստեղ մշակույթի, արվեստի և արհեստի փառատոն է։ Գեղեցիկ և զարմանալի սնունդ, երաժշտություն և պարային շոու: Զարմանալի», տպավորություններով է կիսվել այցելու Ֆրանսը:
Հին հայկական մեկ այլ արհեստ է խեցեգործությունը։ Հայաստանում հայտնաբերված առաջին կավե իրերը թվագրվում են մ.թ.ա 6-րդ դարով։ Ժամանակի ընթացքում կերամիկան ավելի բարդ է դարձել՝ զարդարված բարդ նախշերով և բնական գույներից պատրաստված զարդանախշերով։
Նյութը հրապարակման պատրաստեց Կամո Խաչիկյանը
