Հայաստանում Բելառուսից բակֆաստ մեղուներ են հաստատվել
ՀԱՍԱՐԱԿՈՒԹՅՈՒՆ
Mir24.tv-ն գրում է, որ Հայաստանում այժմ ապրում են բելառուսական բակֆաստ տեսակի մեղուներ: Տեղական միջատները սկզբում զգուշությամբ են ընդունել նրանց, բայց ի վերջո ընկերացել են: Այդ մասին հայտնում է MIR 24-ի թղթակից Լիանա Ազոյանը։
Հայաստանում հյուրերն ավանդաբար մեծ ուշադրության և հոգատարության են արժանանում: Բաքֆաստ ընտանիքը բացառություն չէ, թեև նրանք մեղուներ են: Նրանց ժամանումով մեղվանոցում տեղադրվել են հարմարավետ պոլիուրեթանային փեթակներ՝ հիգիենիկ ցանցով։ Լավ օդափոխությունը վերացնում է կոնդենսատի առաջացումը և, որպես դրա հետևանք բորբոսի առաջացումը: Օտար մեղուների համար դա վնասակար է: Ալեքսան Եղիազարյանը երկար ժամանակ է ուսումնասիրել այդ մեղվի տեսակը նախքան դրանց փորձարկելը։ «Վտանգ կար, որ այդ տեսակը Հայաստանում չի արմատավորվի։ Բելառուսի կլիման շատ է տարբերվում մեզանից։ Ուստի կարևոր է ստեղծել համապատասխան պայմաններ միջատների կորուստները նվազագույնի հասցնելու համար: Այս մեղուների համար հատկապես կարևոր է տարածքն ու մաքրությունը»,- ասել է մեղվապահ Ալեքսան Եղիազարյանը։
Բաքֆաստները լավ են հարմարվել Հայաստանում: Մեղվաընտանիքները բարձր են գնահատել լեռնաշղթաները և տվել առաջին բերքը։ Մեկ փեթակից հնարավոր է եղել հավաքել մինչև 80 կիլոգրամ մեղր։ «Հայկական դեղին մեղվի մեկ փեթակից սեզոնին 30 կիլոգրամ մեղր եմ հավաքում։ Փաստն այն է, որ մեր միջատների ընտանիքները փոքր են՝ մեղուն օրական ածում է ոչ ավելի, քան 1500 ձու»,- պարզաբանել է մեղվապահը։
Բայց օտարուհիները, ի տարբերություն իրենց հայ գործընկերների, ավելի բեղուն են։ Ճիշտ պահելու դեպքում օրական երեք հազար ձու են ածում, և դա միակ առավելությունը չէ։ Բաքֆաստների պահվածքը ագրեսիվ չէ, մեղուները դիմացկուն են, լավ են աշխատում վաղ գարնանից մինչև ուշ աշուն, ինչը մեծացնում է մեղրի հավաքման ծավալը։ Այժմ Ալեքսանն իր ամբողջ ազատ ժամանակն անցկացնում է մեղվանոցում։ Նրա երազանքն է խաչասերել մեղուների այս երկու տեսակները։ «Մեղուների նոր տեսակների բուծման աշխատանքներ դեռ խորհրդային ժամանակներից չենք իրականացրել։ Եվ ես որոշեցի օգտվել հնարավորությունից. խաչասերել եմ բաքֆաստ բոռին դեղին մայր մեղվի հետ: Տեսականորեն նոր տեսակը պետք է լինի շատ բեղմնավոր ու դիմացկուն»,- ասել է մեղվապահը։
Մեղուների նոր ընտանիքի կազմավորումը տեղի է ունենում հատուկ տնկարանում։ Փորձի արդյունքը կարելի է գնահատել ոչ շուտ, քան հինգ տարի հետո։ Եթե ամեն ինչ հաջողվի, ասում է մեղվաբույծը, խառը ընտանիքի յուրաքանչյուր փեթակից 100 կիլոգրամից ավելի մեղր կարելի է ստանալ։
Նշենք, որ Հայաստանում մեծ թափով ընթանում է մեղրի բերքահավաքը։ Մեղվանոցները հիմնականում գտնվում են ծովի մակարդակից ավելի քան 1700 մետր բարձրության վրա, և մեղուները էկոլոգիապես մաքուր նեկտար են հավաքում լեռների լանջերի վայրի բույսերից:
Նյութը հրապարակման պատրաստեց Կամո Խաչիկյանը
