Քանի՞ «մարդատար ավտոմեքենա» կար խորհրդային տարիներին տարբեր հանրապետություններում
ՀԱՍԱՐԱԿՈՒԹՅՈՒՆ
Car.ru–ն գրում է, որ ժամանակակից Ռուսաստանում և ԽՍՀՄ-ի ժամանակներում մեկ շնչին ընկնող մեքենաների թիվը համեմատելը սկզբունքորեն սխալ է։ Խորհրդային ավտոմոբիլիստները փոքր տեղ են զբաղեցրել: Այժմ գրեթե յուրաքանչյուր ընտանիք ունի ավտոմեքենա։ Իսկ որոշ ընտանիքներ ունեն անգամ 2-3 ավտոմեքենա։
Բառացիորեն, մինչև Խորհրդային Միության փլուզումը, իրականացվել են գիտահետազոտական աշխատանքներ, որոնց հիմնական խնդիրն է եղել որոշել անձնական տրանսպորտի առկայությունը մեր հսկայական հայրենիքի տարբեր տարածքներում: Այդ ստացված թվերը արդիական են եղել մինչև 1991թվականը:
Ինչպես պարզվել է, մերձբալթյան հանրապետությունները «ամենաավտոմոբիլային» տարածաշրջաններն են եղել։ Օրինակ Էստոնիայում 1000 բնակչին բաժին է ընկել 138 ավտոմեքենա, իսկ Լիտվայում 122 ավտոմեքենա։ Վրաստանում այդ ցուցանիշը կազմել է 96 ավտոմեքենա 1000 բնակչի հաշվով։ Հայաստանում 91, իսկ Լատվիայում՝ 89։ ՌՍՖՍՀ-ում ցուցանիշները շատ միջին են եղել` 1000 բնակչի հաշվով 60 ավտոմեքենա: Մոլդովայում 1000 բնակչի հաշվով եղել է 40 ավտոմեքենա։ Նույն մակարդակի ապահովումն է եղել նաև Ուզբեկստանում և Տաջիկստանում։
Հատկանշական է, որ Ռուսաստանի Դաշնության ժամանակակից ավտոպարկը դեռ ունի մոտ 3 միլիոն ԽՍՀՄ ժամանակների ավտոմեքենա: Ինչ վերաբերում է 1991 թվականի ուսումնասիրության արդյունքներին, ապա մասնավոր սեփականության ավտոմեքենաների ընդհանուր թիվը եղել է մոտ 16,9 միլիոն։ Այժմ Ռուսաստանում այդ միջինը կազմում է 308 ավտոմեքենա 1000 բնակչի հաշվով։ Դա հինգ անգամ ավելի բարձր ցուցանիշ է, քան ցույց են տալիս 1991 թվականին ՌՍՖՍՀ-ի ուսումնասիրությունները:
Նյութը հրապարակման պատրաստեց Կամո Խաչիկյանը
