Ծանոթ ու միարժամանակ անհայտ…արհեստական թարթիչներ
ՀԱՍԱՐԱԿՈՒԹՅՈՒՆ
Ներկայումս արհեստական թարթիչների օգտագործումը տարածված է: Քիչ մարդիկ գիտեն, որ այդ տեխնոլոգիական նորարարության առաջացմամբ մարդիկ պարտական են կինոյին: 20-րդ դարի դիմահարդարման մեծագույն վարպետ Մաքս ֆակտորը, որի պատվին էլ նրա անվամբ է անվանակոչվել հանրահայտ կոսմետիկական ապրանքանիշը, առաջինն է, որը փորձել է արհեստական թարթիչներ ստեղծել 1920-ական թվականներին դերասանուհի Ֆիլիս Հեյլիի համար: Արտիստուհին խաղում էր Ռոքսիի դերը հանրահայտ «Չիկագո» մյուզիքլում, իսկ Մաքսը հանդիսանում էր մյուզիքլի դերասանների գլխավոր դիմահարդար: Հատուկ գլխավոր դերասանուհու համար էլ Մաքս ֆակտորը ստեղծել է աշխարհում առաջին արհեստական թարթիչները: Դրանց շնորհիվ Ռոքսիի աչքերը գերել են իրենց արտահայտիչությամբ, խորությամբ և գրավել միլիոնավոր հեռուստադիտողների ուշադրությունը: Իհարկե, այդ առաջին թարթիչները ունեցել են մի շարք նշանակալի թերություններ: Նրանք հիանալի տեսք են ունեցել էկրանին, բայց առօրյա կյանքում լրիվ անբնական են երևացել:
Բացի դա, դրանք երկար ժամանակ չէր կարելի կրել, իսկ ստեղծման արժեքն էլ այնքան թանկ է եղել, որ միայն կինոյի աստղերն ու շատ հարուստ մարդիկ կարող էին իրենց թույլ տալ ունենալ դրանցից: Մաքս Ֆակտորը թարթիչների աճեցման համար օգտագործել է բախրամ նյութը: Նա նախ այն սոսնձել է թելին, այնուհետև ուղղակի թարթիչներին: Այնուամենայնիվ, չնայած այս բոլոր թերություններին Մաքսի հայտնագործությունը կարևոր նորարարություն էր դիմահարդարման ոլորտում: Ժամանակի ընթացքում բարելավվել է թարթիչների աճեցման տեխնոլոգիան, և 1950-ական թվականներին նվազել է դրանց գինը: Թարթիչները սկսել են ստանալ ավելի բնական տեսք, սակայն այնուամենայնիվ դրանցից օգտվել են հիմնականում կինոյի աստղերը: 2000-ականների սկզբին Ճապոնիայում փորձարկվել է թարթիչների աճեցման նոր տեխնոլոգիա, որի շնորհիվ դրանք ավելի բնական տեսք են ստացել: Արհեստական թարթիչը հավաքվել են մեկ խրձում ապա կպցվել կոպին ժելեով, սա այսպես կոչված խրձային աճեցումն է: Ճապոնիայում դրա վրա կանգ չեն առել, և մի քանի տարի անց ներդրվել է բոլորովին նոր հեղափոխական տեխնոլոգիա, որը ենթադրում էր թարթիչների անհատական աճեցում: Դրա համար օգտագործվել են հատուկ մշակված թարթիչներ, որոնք բնական թարթիչների գրեթե բացարձակ պատճեներն են: Դրանց պատրաստման համար օգտագործվել են կզաքիսի և սամույրի մազերին շատ նման նյութ: Այն ստեղծելիս հաշվի է առնվել նույնիսկ այն փաստը, որ բնական թարթիչն ավելի հաստ է հիմքի մոտ և բարակ ծայրին: Այդ անհատական ստեղծված արհեստական թարթիչները կցվում են վերին կոպի հիմքին հատուկ սոսինձի օգնությամբ: Նման կերպ գրեթե անհնար է տարբերակել արհեստական թարթիչները բնականից: Ներկայումս արհեստական թարթիչների արտադրության առաջատարներից մեկը ճապոնական «ShuUemura» ընկերությունն է: 2008 թվականին նա ներկայացրել է արհեստական թարթիչների նոր շարք՝ կանանց տալով գույների և ձևերի հսկայական ընտրություն: Բացի դա ընկերությունը կազմակերպում է թարթիչների երկարացման վերաբերյալ վարպետության դասեր, որոնց շնորհիվ յուրաքանչյուր կին կարող է ստեղծել իր սեփական տեսքը առանց մասնագետների օգնության:
Նյութը հրապարակման պատրաստեց Կամո Խաչիկյանը
