Հանգստանալ և բարելավել առողջությունը. Հայաստանում բժշկական զբոսաշրջությունը մեծ ժողովրդականություն է վայելում
ՀԱՍԱՐԱԿՈՒԹՅՈՒՆ
Mir24.tv-ն գրում է, որ Հայաստանը հայտնի է դառնում բժշկական զբոսաշրջությամբ: MIR 24-ի թղթակից Լիանա Ազոյանը պարզել է դրա ամենահայտնի ուղղությունները:
Տեղաշարժ, ճաշ և հյուրանոց. Հայաստանի օպերատորների ստանդարտ զբոսաշրջային փաթեթին ավելացվել են նոր ծառայություններ։ Ամենատարածվածն են ցեխաբուժությունը ու հիդրոթերապիան, մերսումն ու թեթև մարմնամարզությունը։ Տուրի արժեքը ներառում է նաև մասնագետի խորհրդատվություն։ «Զբոսաշրջիկների հոսքն ավելանում է: Ունենք նաև մշտական այցելուներ, ովքեր, մեկ անգամ այցելելով մեզ, նորից գալիս և բուժման կուրս են անցնում»,- ասել է առողջապահական վերականգնողական կենտրոնի բժիշկ Մադլենա Պետրոսյանը։
Շվեցովների ընտանիքն ուրախ է, որ Հայաստան է եկել գարնանը։ Ասում են երկիրը ճանաչելու և հետկովիդային համախտանիշը բուժելու լավագույն ժամանակն է։ Բելառուսական Գոմելից Երևան նրանք հասել են Ռուսաստանի մայրաքաղաքով։
«Ուղիղ չվերթ չկար, ուստի նախ Գոմելից երկաթուղով գնացինք Մոսկվա, այնտեղից էլ թռանք Երևան։ Արդեն հասցրել ենք տեսնել Երևանի տեսարժան վայրերը։ Մենք ցանկանում ենք նաև այցելել բնության վայրեր, ծանոթանալ ազգային ավանդույթներին ու սովորույթներին»,-ասել է Բելառուսից զբոսաշրջիկ Եվգենի Շվեցովը։
Հայաստանում զբոսաշրջիկների 60%-ը ԱՊՀ բնակիչներ են, մնացածը հեռավոր արտասահմանյան երկրներից։ Կորոնավիրուսի դեմ պայքարի միջոցառումները հանվել են, թռիչքները վերականգնվել են, և հյուրերը սկսել են ժամանել։ «Ես ապրում եմ Համբուրգում։ Իհարկե, այնտեղ առողջապահությունը շատ ավելի թանկ արժե։ Հայաստանում որակը գերազանց է, իսկ գներն ավելի ցածր։ Երրորդ անգամ եմ գալիս»,-կիսվել է Գերմանիայից ժամանած զբոսաշրջիկ Անաիդա Վիրաբյանը թղթակցի հետ։
Նյութը հրապարակման պատրաստեց Կամո Խաչիկյանը
