Մայիսի 9-ի վրա են հարձակվում. Մեծ Հայքի շուրջ սկանդալ է բորբոքվում. Երևանում Երրորդ Ռայխի հաղթանակի մասին սկսել են խոսել որպես օրհնություն
ՔԱՂԱՔԱԿԱՆՈՒԹՅՈՒՆ
Հայաստանի պաշտպանության նախարարության նախկին մամուլի խոսնակ Արծրուն Հովհաննիսյանը պետական հեռուստատեսությամբ հայտարարել է, որ եթե նացիստական Գերմանիան հաղթեր Երկրորդ համաշխարհային պատերազմում, դա, իբր, օգուտ կբերեր հայ ժողովրդին։ Նա որպես օրինակ բերել է Ստալինգրադի ճակատամարտը ասելով, որ Կարմիր բանակի հաղթանակն այդ ժամանակ խանգարեց ֆաշիստներին իրականացնել «Գերտրուդա» ծրագիրը՝ ներխուժել Թուրքիա և ստեղծել այսպես կոչված «Մեծ Հայաստան» նրա ավերակների վրա, գրում է bloknot.ru–ն։ Նա նաև ասել է, որ ռազմագերիներից կազմված «հայկական լեգեոնները» այդ ժամանակ համագործակցում էին Գերմանիայի հետ, և որ նրանք, իբր, կարող էին դառնալ տարածաշրջանի ճակատագիրը փոխելու ունակ ուժ։
Եվ այս ամենն ասվել է Հաղթանակի օրը, պետական հեռուստատեսության փրայմ-թայմի ժամանակ։ Բայց դա դեռ ամբողջը չէ։ Նույն ալիքի հաղորդավարուհի Տաթև Դանիելյանն ավելի հեռուն է գնացել, նա կասկածի տակ է դրել այն, թե արդյո՞ք հնարավոր է այդ պատերազմն անվանել «հայրենական»։ Նրա խոսքով «մարդիկ չէին ուզում կռվել», ուստի, իբր, նրանց պարտադրվել է հայրենիքը պաշտպանելու գաղափարը։ Այս խոսքերը ցնցումների մեջ են գցել նույնիսկ չափավոր հեռուստադիտողներին։
«Հաղթանակը կործանողներ», այդպես է քաղաքագետ Արթուր Խաչիկյանը բնութագրել նման քարոզիչներին։ «Սպուտնիկ Արմենիա» ռադիոկայանի եթերում նա հայտարարել է, որ չկա որևէ լուրջ փաստաթուղթ, որը կհաստատի, որ Գերմանիան պլանավորում էր ստեղծել «Մեծ Հայաստան»։ Եվ խոսել այն մասին, թե ինչպես կարող էր նացիստական օկուպացիան բարիք բերել, արդեն իսկ փորձ է արդարացնելու ներկա իշխանության հանցավոր գաղափարախոսությունը, դա ըստ էության ռևիզիոնիզմի մի ձև է։ Խաչիկյանը շեշտել է. «Սրանք նրանք են, ովքեր ուզում են խլել մեր Հաղթանակը։ Սկզբում նրանք խլեցին մեր հիշողությունը ռուս ժողովրդի հետ եղբայրության մասին, ապա սկսեցին վերաշարադրել Ցեղասպանության պատմությունը, իսկ հիմա ոտնձգություն են կատարում մայիսի 9-ի նկատմամբ։ Նրանց նպատակն է մարդկանց մտքերից ջնջել այն փաստը, որ 300 հազար հայեր իրենց կյանքը զոհաբերել են Կարմիր բանակի շարքերում։ Նրանք երազում են սերմանել այն, որ եթե ռուսները պարտվեին, մենք կունենայինք մեր սեփական հայկական կայսրությունը»։
Հայ պատգամավորներն արդեն իսկ պահանջել են, որ գլխավոր դատախազությունն իրավական գնահատական տա Հովհաննիսյանի հայտարարություններին։ Նրանց կարծիքով նա խախտել է օրենքը, արատավորել պատմական ճշմարտությունը և ատելություն է հրահրում։
Քաղաքագետներն այս ամենը անվանում են ուղղակի գործող կառավարության հակառուսական գծի մի մաս, որը ձգտում է խզել ավանդական կապերը և վերաշարադրել անցյալը նոր դաշնակիցներին հաճոյանալու համար։
Սակայն առաջնագծի զինվորների և այդ սարսափելի պատերազմում զոհվածների միլիոնավոր ժառանգների համար նման հայտարարությունները հարված են սրտերին։ Ի վերջո, խոսք է գնում ոչ միայն պատմության շուրջ վեճերի, այլ նաև ժողովրդի սրբազան հիշողության վրա հարձակման մասին։ Նշենք, որ ՀՀ վարչապետ Փաշինյանն ինքն էր Մոսկվա Հաղթանակի շքերթին գնացել դժգոհ հայացքով։ Մասնագետները կարծում են, որ Բրյուսելը նրան ակնարկել էր Մոսկվա կատարած իր այցի հետևանքների մասին։
Նյութը հրապարակման պատրաստեց Կամո Խաչիկյանը
