Պատմության այս օրը (հոկտեմբերի 27)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Աուդիովիզուալ ժառանգության համաշխարհային օր, Ալժիր՝ Ծառ տնկելու օր, Թուրքմենստան՝ Անկախության օր:
ՀԱՅԱՍՏԱՆՈՒՄ
1881 – ծնվել է լեզվաբան Խաչատուր Կանայան։
1914 – ծնվել է հայազգի ռուս գրող Գեորգի Խոլոպովը։
1938 – վախճանվել է տնտեսագետ, հրապարակախոս, պետական գործիչ Արտաշես Խալաթովը:
1969 - վախճանվել է հայ արձակագիր, գրաքննադատ և լրագրող Կորյուն Ազրոյանը։
1975 - վախճանվել է աղեղնավոր երաժշտական գործիքների հայ վարպետ Շահեն Երիցյանը։
1995 - Հայաստանը դիվանագիտական հարաբերություններ է հաստատել Ուզբեկստանի հետ։
1999 – տեղի է ունեցել հոկտեմբերի 27-ի ահաբեկչական գործողությունը Հայաստանի Ազգային ժողովում, ահաբեկչական խմբի գործողությունների արդյունքում զոհվել են Հայաստանի ԱԺ նախագահ Կարեն Դեմիրճյանը, վարչապետ Վազգեն Սարգսյանը և 6 այլ պետական գործիչներ ու ԱԺ պատգամավորներ, 8 մարդ վիրավորվել է, իսկ 91-ը՝ գերեվարվել են։
2005 - Հայաստանյան ընդդիմադիր 17 կուսակցություններ և Մտավորականների ֆորումը տարածել են հայտարարություն, որով մերժել են «սահմանադրական փոփոխությունների հանրաքվեի գործընթացը և դրանով իսկ «ոչ» ասել ռեժիմին»:
2006 - Ախալքալաքի Ազատության հրապարակում տեղի է ունեցել բողոքի ցույց` ի պաշտպանություն սահմանի ապօրինի հատման մեղադրանքով Երևանում ձերբակալված «Միասնական Ջավախք» ժողովրդավարական դաշինքի նախագահության անդամ Վահագն Չախալյանի:
2009 - հոկտեմբերի 27-ի զոհերի հիշատակը հավերժացնելու համար Ազգային ժողովի շենքի բակում տեղադրվել է Երվանդ Քոչարի «Բիբլիական Դավիթը» քանդակը։
2013 - Կոմպոզիտորների Համագումարում Կոմիտասի անվան կոնսերվատորիայի պրոֆեսոր Արամ Սաթյանը ստանացավ 2 քվե ավելի, քան միությունը 1993 թվականից ղեկավարող կոմպոզիտոր Ռոբերտ Ամիրխանյանը դարձել է կոմպոզիտորների միության նախագահ:
2020 - Ղարաբաղյան երկրորդ պատերազմի ժամանակ ադրբեջանական զինված ուժերի կողմից իրականացվել է հարձակում Բերձորի ուղղությամբ, որը հաջողության չի հասել։
ԱՇԽԱՐՀՈՒՄ
1439 - վախճանվել է Ավստրիայի հերցոգ, Չեխիայի, Հունգարիայի և Գերմանիայի թագավոր Ալբերտ 2-րդը։
1449 - վախճանվել է թուրք աստղագետ և մաթեմատիկոս Մուհամեդ Տարագայ Ուլուգբեկը։
1505 – վախճանվել է Մոսկվայի մեծ իշխան Իվան 3-րդը (Վասիլյեվիչ)։
1553 - Ժնևում բողոքականների կողմից այրվել է մտածող, կրոնագետ, բնախույզ և բժիշկ Միգել Սերվետը։
1605 - վախճանվել է մողոլների ղեկավար Աքբար Մեծը։
1644 - Անգլիայի քաղաքացիական պատերազմի ժամանակ տեղի է ունեցել Նյուբորնի երկրորդ ճակատամարտը։
1645 - ինֆանտ Թեոդոզյու դե Բրագանսան ընդունել է Բրազիլիայի Գահաժառանգի տիտղոսը, որը հատուկ նրա համար նախատեսել էր թագավոր Ժուան 4-րդը, և դարձել է այդ տիտղոսի առաջին կրողը։
1728 – ծնվել է անգլիացի նշանավոր ծովագնաց Ջեյմս Կուկը, որը կազմակերպել է 3 շուրջերկրյա ճանապարհորդություն:
1759 - ծնվել է շվեյցարացի գիտնական-մեխանիկ Յակոբ 2-րդ Բեռնուլին։
1782 – ծնվել է իտալացի հռչակավոր ջութակահար, կիթառահար և կոմպոզիտոր Նիկոլո Պագանինին:
1811 - ծնվել է ամերիկացի գյուտարար և գործարար, «Զինգեր» ընկերության հիմնադիր Այզեկ Զինգերը։
1873 - ամերիկացի Ջոզեֆ Գլիդդենը արտոնագրել է փշալարը։
1901 - Փարիզում կողոպտիչները, կողոպտելով խանութը, աշխարհում առաջին անգամ թաքնվել են օգտագործելով ավտոմեքենա։
1904 – բացվել է Նյու Յորքի մետրոպոլիտենը:
1938 – ամերիկյան «DuPont» ընկերությունը հայտարարել է նեյլոնի հայտնաբերման մասին:
1855 – ծնվել է ռուս կենսաբան, սելեկցիոներ, ակադեմիկոս Իվան Միչուրինը։
1858 – ծնվել է ամերիկացի քաղաքական գործիչ Թեոդոր Ռուզվելտը։
1932 – ծնվել է ամերիկացի գրող և բանաստեղծուհի Սիլվիա Փլաթը։
1959 - «Պրավդա» թերթում առաջին անգամ տպագրվել է Լուսնի հակառակ կողմի լուսանկարը, որը ստացվել է «Լուսին 3» լուսնագնացից։
1961 - Մավրիտանիան և Մոնղոլիան դարձել են ՄԱԿ-ի անդամ։
1962 - Կարիբյան ճգնաժամի ժամանակ ԱՄՆ-ի U-2 հետախույզ ինքնաթիռը խփվել է Կուբայի վրա խորհրդային հրթիռով, օդաչու Ռուդոլֆ Անդերսենը զոհվել է, այդ օրը ընդունված է անվանել «սև շաբաթ», քանի որ ամբողջ աշխարհը խիստ մոտ է եղել համաշխարհային միջուկային պատերազմին։
1971 - Կոնգոյի Դեմոկրատական Հանրապետության անունը դարձել է Զաիր։
1982 - Չինաստանը հայտարարում է, որ երկրի բնակչությունը դարձել է մեկ միլիարդ։
1984 – գործարկվեց Բայկալ-Ամուրյան երկաթուղային մայրուղին՝ ԲԱՄ-ը:
1991 – Թուրքմենստանը հայտարարեց իր անկախությունը ԽՍՀՄ-ից:
1991 - Ջոխար Դուդաևը ընտրվել է ինքնահռչակ չեչենական Իչկերիա հանրապետության նախագահ։
2007 - Սանկտ-Պետերբուրգում սկսվել է ռուսական Վիքիպեդիայի առաջին Վիքի-համաժողովը։
2017 - Կատալոնիան հայտարարել է իր անկախությունը Իսպանիայից։
2019 - Սիրիայի հյուսիս-արեւմուտքում ամերիկացի զինվորականները հատուկ գործողության ժամանակ ոչնչացրել են «Իսլամական պետւթյուն» ահաբեկչական խմբավորման պարագլուխ Աբու Բաքր ալ Բաղդադիին։
Նյութը հրապարակման պատրաստեց Կամո Խաչիկյանը
