Իսկ դուք գիտեի՞ք, որ թուրքական հեռուստասերիալների այս հայտնի անձինք հայեր են
ՎԻԴԵՈ1960-70-ականն թվականներին թուրքական կինոարվեստի զարգացման գործում մեծ ներդրում են ունեցել մի շարք հայազգի դերասաններ: Ժամանակի հայտնի ֆիլմերում և թատերական ներկայացումներում հաճախ գլխավոր դերեր խաղացած թուրքական կինոյի ամենասիրված դերասանների հայկական ծագման մասին այսօր էլ շատերը չգիտեն: Թուրքական կինոյի սիրված հորեղբայրը` Նուբար Թերզյանը խաղացել է 400-ից ավել հայտնի ֆիլմերում` մարմնավորելով նպարավաճառի, կաթնագործի կամ խիստ հոր կերպարներ: Թերզյանը եղել է նաև Ստամբուլի հարգված պարոններից մեկը:
1980 թվականին թուրքական պետական հեռուստաալիքով հեռարձակվող «Քնից առաջ» հաղորդումը շատերի հիշողության մեջ է մնացել: Թուրք երեխաների սիրելի հեքիաթասաց մորաքույրը հայազգի Ադիլե Նաշիթն էր: Վերջինս բազմիցս հաջողությամբ մարմնավորել է ընտանիքի մոր կերպարը` մնալով կինոսերների հիշողության մեջ որպես սիրող մայր:
Թուրքական կատակերգական ֆիլմերում խաղացած Սամուել Հակոբ Ալուչյանը իր դերասանական կարիերան սկսելուց առաջ աշխատել է Դիարբեքիրի երաժշտական դպրոցում, հեղինակել է մի շարք հայտնի երգեր:
Միշտ խիստ և նենգ մարդկանց կերպարներ մարմնավորած Քենան Պարսը` Գրիգոր Ջեզվերջյանը միևնույն ժամանակ թուրքական կինոարվեստին ծառայել է որպես ռեժիսոր, պրոդյուսեր և սցենարիստ: Սև-սպիտակ ֆիլմերի հիշվող կերպարներից է դերասան և Վահի Օզը ռեժիսոր Վահի Օզը (Օզինյան): Ահմեդ Դանել Թոփաթանը խաղացել է 200 ավել ֆիլմերում:
Սելիմ Նաշիթ Թուրքական կինոյում «հայր» մականունը ստացած Սելիմ Նաշիթը, որը խաղացել է շուրջ 60 ֆիլմում, միևնույն ժամանակ դերասանուհի Ադիլե Նաշիթի մեծ եղբայրն է: Թոթո Քարաջան Հայտնի թուրք ռոք երաժիշտ Ջեմ Քարաջայի մայրը և դերասան Մեհմեդ Քարաջայի կինը` Թոթո Քարաջան (Իրմա ՖAելեգյանը) 1960 թվականին Ստամբուլի թատրոնի հիմնադիրներից է:
