Մխիթարյան. Անգլիայում, Իտալիայում, Գերմանիայում, Ուկրաինայում, որտեղ էլ որ խաղացել եմ, ներկայացրել եմ Հայաստանը
ՍՊՈՐՏ
Հայաստանի ազգային հավաքականի նախկին կիսապաշտպան Հենրիխ Մխիթարյանը, ով խաղում է իտալական «Ինտերում», խոսել է ակումբի և ազգային հավաքականի կազմում խաղալիս զգացմունքների տարբերության մասին, գրում է championat.com–ը։
«Մանկուց ի վեր իմ երջանկությունը ֆուտբոլն էր, գնդակով խաղալն ինձ համար ամեն ինչ էր։ Ես երբեք չէի կորցնում դեմքիս ժպիտը, միշտ երջանիկ էի։ Եվ նույնիսկ հիմա ես ամենաերջանիկ մարդն եմ, քանի որ անում եմ այն, ինչ սիրում էի անել մանկության տարիներին և այն, ինչ սիրում եմ անել հիմա: Ես արդեն չորս տարի է, ինչ չեմ խաղացել ազգային հավաքականում, բայց երբ խաղում էի, միշտ ունեի եռանդ, կիրք և հաղթելու ցանկություն, քանի որ Հայաստանի նման երկրի համար հաղթանակն ամեն ինչ է։ Ակումբում ամեն ինչ այլ է, քանի որ կան շատ օտարերկրացի խաղացողներ, և բոլորը փորձում են ներկայացնել իրենց երկիրը։ Ես նրանցից մեկն եմ, ես նույնն եմ անում, և ուրախ եմ, որ Հայաստանի ներկայացուցիչն եմ եղել Անգլիայում, Իտալիայում, Գերմանիայում, Ուկրաինայում, ամենուր, որտեղ խաղացել եմ», - Մխիթարյանի խոսքերն է մեջբերել ՈՒԵՖԱ-ի պաշտոնական կայքը։
Հենրիխ Մխիթարյանը «Ինտերում» խաղում է 2022 թվականի ամռանից։ Նախկինում նա խաղացել է այնպիսի ակումբներում, ինչպիսիք են իտալական «Ռոման», անգլիական «Արսենալը» և «Մանչեսթեր Յունայթեդը», գերմանական «Բորուսիա» Դորտմունդը, ուկրաինական «Շախտյորը» և «Մետալուրգը»։ Մխիթարյանի տնային ակումբը հայկական «Փյունիկն» է։ Բացի այդ, կիսապաշտպանը 2003 թվականին չորս ամիս (մարտից մինչև հուլիս) անցկացրել է վարձավճարով բրազիլական «Սան Պաուլո» ակումբի երիտասարդական թիմում։
Նյութը հրապարակման պատրաստեց Կամո Խաչիկյանը
