«Հայաստանը վե՞րջ, Ռուսաստանը չի՞ օգնի. ի՞նչ է ասել Փաշինյանը ՀԱՊԿ-ի հետ «խզման» մասին»
ՔԱՂԱՔԱԿԱՆՈՒԹՅՈՒՆ
Երևանն իրեն համարում է ՀԱՊԿ-ից դուրս և մտադիր չէ վերադառնալ կազմակերպություն, ասել է վարչապետ Նիկոլ Փաշինյանը, գրում է news.ru-ն։ Ինչո՞ւ է Փաշինյանը հերթական անգամ դեմ արտահայտվում ՀԱՊԿ-ին, արդյո՞ք Ռուսաստանը կօգնի Հայաստանին, ի՞նչ են ասում ստեղծված իրավիճակի մասին Պետդումայում ու Դաշնության խորհրդում:
Ըստ Հայաստանի վարչապետ Նիկոլ Փաշինյանի Երևանի և ՀԱՊԿ-ի հարաբերություններն անցել են «անվերադարձելիութան կետը»։ Այդ հայտարարությունն արվել է հանրապետության խորհրդարանում կառավարության ժամին։ Ներկայումս, ըստ Փաշինյանի, Հայաստանն իրեն համարում է ՀԱՊԿ-ից դուրս և չի մասնակցում Հավաքական անվտանգության պայմանագրի կազմակերպության աշխատանքներին։
«Մենք ուղղակի վետո չենք դնում ոչ մի փաստաթղթի վրա, քանի որ, ըստ էության, մեզ համարում ենք ՀԱՊԿ-ից դուրս, թող անեն ինչ ուզում են։ Այս իրավիճակը գնալով դժվարացնում է Հայաստանի վերադարձը ՀԱՊԿ, եթե չասենք, որ անհնարին է դարձնում։ Կարծում եմ, որ այստեղ մենք անցել ենք անշրջելիության կետը»,- ասել է ՀՀ կառավարության ղեկավարը։
Միևնույն ժամանակ, news.ru-ի դիվանագիտական աղբյուրը նշել է, որ ՀԱՊԿ-ը Հայաստանի դուրս գալու վերաբերյալ փաստաթղթեր չի ստացել, և այս պահին «ոչ ոք չի հասկանում», թե ի՞նչ «անվերադարձելիության կետի» մասին է խոսում Փաշինյանը:
Բացի դա ՀԱՊԿ գլխավոր քարտուղար Իմանգալի Տասմագամբետովը դեկտեմբերի 4-ին մամուլի ասուլիսի ժամանակ հայտարարել էր, որ Հայաստանի չմասնակցությունը չի ազդում ՀԱՊԿ արդյունավետության վրա։ Միևնույն ժամանակ, կազմակերպության անդամները «ենթադրում են, որ Հայաստանի Հանրապետությունն իրենց դաշնակիցն է, և Հայաստանի նկատմամբ իրենց բոլոր պարտավորությունները մնում են»։
Պետդումայի պատգամավոր Վիկտոր Վոդոլացկին news.ru-ի հետ զրույցում նշել է, որ Փաշինյանը Ռուսաստանի հետ հարաբերություններում արդեն վաղուց է անցել «անվերադարձելիության կետը», Հայաստանի կառավարության կաբինետի ղեկավարը սկզբում ընդգծված անտեսել էր ՀԱՊԿ նիստը և ՀԱՊԿ խորհրդարանական վեհաժողովը, ապա մի շարք հարձակումներ կատարել Ռուսաստանի դեմ։
«Բայց ամենակարևոր անվերադարձելիության կետը Ֆրանսիայում էր, որտեղ Փաշինյանը երդվեց հավատարմորեն ծառայել Արևմուտքին։ Այսօր Փաշինյանը պատանդ է դարձրել ողջ հայ ժողովրդին և Հայաստանի Հանրապետությանը: Արևմուտքն այսօր փորձում է իրեն ենթարկել Վրաստանին, ինչպես դա արեց Ուկրաինայի հետ։ Նրանց թիրախը նաև Հայաստանն ու հայ ժողովուրդն է, և Փաշինյանը դարձել է արևմտյան շահերի լոբբիստ»,- հայտարարել է Վոդոլացկին։
Պատգամավորի խոսքով Հայաստանում ստեղծելով արևմտյան ազդեցության բազաներ ու կենտրոններ կստեղծվի Իրանի հետ առճակատման մարտադաշտ։ «Շատ ցավալի ու վատ է, որ դա տեղի է ունենում, բայց դրա մեղավորը հենց իրենք՝ հայաստանցիներն են, ովքեր արդեն մի քանի անգամ «այրվածք» են ստացել, բայց ոչ մի քայլ չեն ձեռնարկել, որպեսզի կանխեն այն իրավիճակը, որը կստեղծվի այնտեղ մոտ ապագայում։ Կարծում եմ, որ հիմա կավելանա այն մարդկանց հոսքը, ովքեր կսկսեն լքել Հայաստանը և փախչել Ռուսաստանում ապրող իրենց հարազատների մոտ»,- նշել է Վոդոլացկին։
Պատգամավորն ընդգծել է, որ չնայած հանրապետական իշխանությունների գործողություններին Ռուսաստանը երես չի թեքելու հայ ժողովրդից: «Մեզ համար հայը դատարկ արտահայտություն չէ: Մենք շատ ընդհանրություններ ունենք։ Հայաստանը Փաշինյանով չի ավարտվում: Փաշինյանն արևմտյան սադրանք է, ոչ ավելին, և Հայաստանի քաղաքացիների մեծամասնությունը պարզապես պետք է տեղեկացված լինի, որ Ռուսաստանը եղել է բարեկամ երկիր և մնում է այդպիսին, և մենք չենք պատրաստվում դավաճանել մեր հարաբերություններին»,- ընդգծել է Վոդոլացկին։
Դաշնային խորհրդի անդամ, միջազգային կոմիտեի ղեկավարի առաջին տեղակալ Վլադիմիր Ջաբարովն էլ news.ru-ի հետ զրույցում ընդգծել է, որ բացի ՀԱՊԿ-ից, ոչ ոք չի կարող ապահովել Հայաստանի անվտանգությունը։ «Ես ուղղակի չեմ տեսնում, թե ո՞վ կարող է փոխարինել, ո՞վ կարող է ապահովել Հայաստանի անվտանգությունն արտաքին սպառնալիքի դեպքում, բացի ՀԱՊԿ-ից։ Ո՞վ կփոխարինի Ռուսաստանին կամ ՀԱՊԿ մյուս երկրներին: Ամերիկացինե՞րը: Բայց մենք տեսնում ենք, թե ինչպես են նրանք «փոխարինել մեզ» Ուկրաինայում։ Գուցե՞ ֆրանսիացիները, ովքեր իրենք են փախչում Աֆրիկայից: Անկեղծ ասած, կարծում եմ, որ այս ամենն ի վերջո կանցնի։ Եվ ես հույս ունեմ, որ մեր հարաբերություններում ողջախոհությունը կգերակայի։ Ռուսաստանը եղել է, կա և կմնա Հայաստանի ժողովրդի միակ իսկական բարեկամը տեսանելի ապագայում»,- հայտարարել է սենատորը։
Նյութը հրապարակման պատրաստեց Կամո Խաչիկյանը
