Լևոն Հովհաննիսյանի անվան սրտաբանության գիտահետազոտական ինստիտուտն այսօրվանից չի գործում
ՀԱՍԱՐԱԿՈՒԹՅՈՒՆ
Լևոն Հովհաննիսյանի անվան սրտաբանության գիտահետազոտական ինստիտուտն այսօրվանից չի գործում: Նախորդ տարվա հոկտեմբերի 18-ին Երևան քաղաքի ավագանին որոշեց միավորել Սրտաբանության գիտահետազոտական ինստիտուտն ու «Քանաքեռ-Զեյթուն» բժշկական կենտրոնը, որը տրված էր սուբվենցիոն կառավարման «Մեդիքալ ինվեստ» ՍՊ ընկերությանը: Ի դեպ կազմակերպությունը պատկանում է Երևանի նախկին քաղաքապետ Երվանդ Զախարյանի ընտանիքին, որի կառավարման ժամկետն ավարտվում էր նախորդ տարի դեկտեմբերին:
Ըստ ավագանու՝ ՍՊ ընկերությունը, այս 10 տարվա ընթացքում մեծ պարտքեր էր կուտակել և չի կատարել նախապես խոստացված ներդրումները: Իսկ Սրտաբանաության իստիտուտն էլ ինքնաբավ չէր և միացնելով ստացել են «Երևան» բժշկական կենտրոն, որն ասպարեզում պետք է նոր հայտ ներկայացնի: Թեև մի քանի անգամ տարբեր պաշտոնյաներ վերահաստատել են, որ մինչ որոշումը ոչ մեկ չի այցելել «Քանաքեռ-Զեյթուն» բժշկական կենտրոն և չի զննել նույնիսկ տարածքը՝ հասկանալու համար թե որքանո՞վ են գոնե շենքային պայմանները ներում կառույցների միավորման համար:
Լևոն Հովհաննիսյանի անվան սրտաբանության գիտահետազոտական ինստիտուտից այսօրվանից փաստացի իրենց տեղերում գործունեություն չծավալելու վերաբերյալ տեղեկություն ստանալ չհաջողվեց: Արդեն «Երևան» բժշկական կենտրոն մամուլի պատասխանատու Աննա Ավետիսյանի փոխանցմամբ՝ միացման գործընթաց է գնում. «Լևոն Հովհաննիսյանի անվան սրտաբանության գիտահետազոտական ինստիտուտի աշխատակիցները տեղափոխվում են «Երևան» բժշկական կենտրոն, գործընթացը մեկնարկել է, սկայան դեռ ավարտական փուլում չէ: Նախկին Քանաքեռ-Զեյթուն ԲԿ-ից միացմամբ պայմանվորված կրճատված աշխատակիցներ չկան, ինչ վերաբերում է երկու ԲԿ-ների ադմինիստրացիայի աշխատակիցներին նշեմ, որ դեռ որևէ հստակ որոշում չկա:
Սրտաբանության իստիտուտի աշխատակիցների մասով, որևէ տեղեկության չեմ տիրապետում: Տնօրենին վերաբերող Ձեր հարցին չեմ ցանկանում պատասխանել, քանի որ այն առնվազն կոռեկտ չէ, քանի որ «Երևան» բժշկական կենտրոնն այս պահին ունի տնօրեն: Նա Սերգեյ Միրզոյանն է: Միացման, ավարտման և ակնկալիքների մասին խոսելը կարծում եմ վաղ է, սակայն Քանաքեռ-Զեյթուն ԲԿ –ն ի սկզբանե ողջունել է նախագիծը և հույս հայտնել, որ այն հաջողելու է: Կարծում են հետագա ծրագրերի, կրճատումների և հատկապես տնօրենի ընտրությանը վերաբերող Ձեր հարցերը պետք է ուղղել Երևանի ավագանուն կամ սպասել իրադարձությունների զարգացմանը:
«Մեդիքալ ինվեստ» ՍՊ ընկերության հետագա գործունեությանը վերաբերող հարցերին չեմ տիրապետում»: Ավետիսյանի խոսքով՝ այս պահին «Երևան» բժշկական կենտրոնն աշխատում է իր բնականոն հունով և սիրով ընդունում է բուժառուներ:
Աննա Ավետիսյան
