Ծանոթ ու միարժամանակ անհայտ...«ZIPPO» կրակայրիչ

Ծխողների մեծամասնությունը նախընտրում է օգտագործել կրակայրիչներ, քան լուցկի: Եվ  իհարկե  կրակայրիչների մեջ առաջատար դիրքը պատկանում է «ZIPPO» - ին: Թվում է, թե ինչը կարող է վառիչի մեջ  բարդ լինել, պարզ եխանիզմ է, բայց այդ մանր մեխանիզմն է հենց երաշխիք  հանդիսացել  ընկերության հաջողության ու հանրաճանաչության համար: «ZIPPO» կրակայրիչները շատ հուսալի են և  լայն ժողովրդականություն են վայելել:

Կրակայրիչները մեծ տարածում են գտել անցյալ դարի 30-ական թվականներին Ամերիկայում: Իսկ առաջինը, ով զբաղվել է դրանց մասսայական արտադրությամբ, և նա ով սկսել է «ZIPPO» կրակայրիչների պատմությունը  Փենսիլվանիայի բնակիչ Ջորջ Գրանթ Բլեյզդելն է: Նա «ZIPPO» կրակայրիչները շուկան է մտցրել 1932 թվականին, և չնայած դրանք հայտնի են դարձել հիմնականում Ամերիկայում, այն հորինվել է Ավստրիայում: Հենց այստեղ է հորինվել  ու մետաղի մեջ մարմնավորվել ներկայումս բոլորին լավ հայտնի «ZIPPO»-ի մեխանիզմը: Բլեյզդելի ձեռքը  կրակայրիչի նախատիպը ընկել էր իր ընկերոջից, որը երեկույթի ժամանակ  Ջորջին սիգարեթը կպցնելու համար կրակ էր տվել արտաքինից ոչ այնքան արտահայտիչ իր վառիչից: Իսկ  Ջորջի այն հարցին, թե ինչու է ընկերն օգտագործում այդպիսի ոչ գրավիչ իր՝ վերջինս պատասխանել էր, որ  «այն պարզապես հրաշալի է աշխատում»: Այս արտահայտությունը հավիտյանս է մնացել մնաց Ջորջ  Բլեյզդելի հիշողությունում: Եվ իսկապես, «ZIPPO» կրակայրիչը նույն կերպ հրաշալի է կատարում իր աշխատանքը թե  սառնամանիքի ու անձրևի և թե ուժեղ քամու պայմաններում: Ի սկզբանե կրակայրիչի անունը, որի տակ նախատեսվում էր այն վաճառել Ամերիկայում, եղել է «Zipper», որը թարգմանվում է որպես «շարժունակ», կամ շարժուն մարդ: Սակայն շուտով պարզվել է, որ այդ ապրանքային նշանն արդեն իսկ օգործածվում է, և Բլեյզդել փոքր-ինչ շտկել է անունը ստանալով «ZIPPO»: Նրա կողմից Ավստրիաում գնված կրակայրիչների առաջին խմբաքանակը շուկայում պահանջարկ չի ունեցել  անհարմար ձևի և կափարիչի պատճառով: Այս թերությունները վերացնելու համար Բլեյզդելը հնարավորինս պարզեցրել է արտադրանքի ձևը, որի պատճառով այն սկսել է նմանվել լուցկու տուփի: Կափարիչի հետ  ամեն ինչ ստացվել է  հակառակ ճանապարհով: Նրա ծայրին տեղադրվել է ռոտացիայի առանցք, ինչը հնարավորություն է տալիս բացել այն միայն մեկ ձեռքի օգնությամբ: Նման դիզայնը և օգտագործման ձևը  դուր է եկել սպառողներին:

Այնուամենայնիվ պարզ է, որ առանց գովազդի մեծաքանակ վաճառք իրականացնելը  անիրական է: «ZIPPO»-ի գովազդային արշավը մտել է պատմության մեջ, և բազմաթիվ համալսարանների դասախոսներ դա որպես շուկայում արտադրանքի առաջ մղման լավագույն փորձի օրինակ են ներկայացնում: Օրինակ որպես փիառ քայլ  որոշում է կայացվել կրակայրիչներին անսահմանափակ երաշխիք տալ: Այսինքն, այն ենթակա է անվճար վերանորոգման՝ անկախ գնման ամսաթվից և վայրից: Ներկայումս «ZIPPO» կրակայրիչների  տեսականին հսկայական է: Կան ինչպես մատչելի  բյուջետային տեսակներ, այնպես էլ շքեղ թանկարժեք  տարբերակներ:  Կրակայարիչների արտադրության մեջ օգտագործում են քրոմացված  պողպատ, լատուն, արծաթ և նույնիսկ ոսկի: Ներկայումս նրանք ոչ միայն թույլ են տալիս կրակ ստանալ, այլ նաև ցույց են տալիս դրա սեփականատիրոջ կարգավիճակը և  ընդգծում են նրա անհատականությունը: Որպես զարդարանք, վաճառվում են նաև  ռետինից, պլաստմասսայից, թանկարժեք փայտանյութից և այլնից  պատրաստված կրակայրիչների պատյաններ և տուփեր: Մինչ այժմ  «ZIPPO» կրակայրիչները հանդիսանում են հուսալիության և որակի օրինակ: Այդ  կրակայրիչների արտադրության ողջ պատմության ընթացքում դրանց վաճառքի ծավալները գերազանցել են 450 միլիոն հատը:

Նյութը հրապարակման պատրաստեց Կամո Խաչիկյանը

www.1or.am