Ծանոթ ու միարժամանակ անհայտ…կոնյակ Նապոլեոն
ՀԱՍԱՐԱԿՈՒԹՅՈՒՆ
Ինչի՞ հետ եք կապում «Նապոլեոն» բառը: ֆրանսիական կայսեր անվա՞ն։ Հանրաճանաչ տորթի բաղադրատոմսո՞վ: Կոնյակի գիտակների համար այդ բառը բոլորովին այլ ասոցիացիաներ է առաջացնում և միանգամից մի քանի պատճառներով։ Նախ կա նույն անունով կոնյակի տուն, որտեղ շատ բարձրակարգ խմիչք է արտադրվում։ Երկրորդ հերթին «Նապոլեոն» բառը կոնյակի հնեցման նշանակումն է (նման VSOP-ին կամ XO-ին): Կոնյակը, որի շշի վրա առկա է այդ մակագրությունը, կաղնե տակառներում անցկացրել է առնվազն 6 տարի, թեև այնտեղ գտնվելու ժամանակաշրջանը հաճախ շատ ավելի երկար է՝ մինչև 30 տարի կամ ավելի:
Այս կամ այն արտադրողի նման կոնյակը հաճախ դառնում է շատ կոլեկցիոներների և այդ խմիչքի պարզապես երկրպագուների նվիրական երազանքը: Ընդ որում բավականաչափ հարուստ երկրպագուների, քանի որ նման խմիչքների գինը շատ բարձր է։ Նման ալկոհոլի համն ու բույրը յուրահատուկ է, այն ունի իր հոգին ու բնավորությունը։ Այս դասի ըմպելիքները հնարավոր չէ շփոթել այլ ըմպելիքների հետ։
Նման կոնյակներն իրենց յուրահատկությունները ստանում են ոչ միայն հնեցման ժամանակ, այլ նաև գինեգործների գիտելիքներով, ովքեր խաղող են աճեցնում, դրանից գինենյութ պատրաստում, ապա այդ գինուց թորում կոնյակի սպիրտ։ Այս գործընթացը երկար է ու աշխատատար՝ 9 լիտր գինուց դուրս է գալիս 1 լիտր կոնյակի սպիրտ, իսկ 30 տարի հնեցնելուց հետո ըմպելիքից ավելի քիչ է մնում, քանի որ այն գոլորշիանում է։ Բացի այդ, էլիտար ալկոհոլի աշխարհում (որը, անշուշտ, ներառում է «Նապոլեոն» կատեգորիայի կոնյակները), հազվադեպ չէ այն, որ վարպետ գինեգործները չճաշակեն իրենց աշխատանքի պտուղները, որից ևս դրա քանակը նվազում է, չէ որ հնացման շրջանը չափազանց երկար է տևում:
Դրա համար էլ նման կոնյակների գները շատ ու շատ բարձր են։ Օրինակ՝ Անգլիայի թագավոր Էդուարդ 8-րդի հավաքածուից կոնյակի մեկ շիշի համար աճուրդում տվել է 11 հազար դոլար, և դա ամենաթանկ լոտը չէ, չնայած այն հանգամանքին, որ խմիչքը ավելի քան 100 տարեկան է։ Դժվար թե նման շշի խցանը հանվի, քանի որ այն ոչ միայն նրբաճաշակ խմիչք է, այլ նաև պատմական մասունք և փողի ներդրում։ Նման շշի գինը տարիների ընթացքում միայն աճում է։
Հավանաբար ձեզ հետաքրքրում է, թե Նապոլեոն Բոնապարտը կապ ունի՞ այդ էլիտար խմիչքների նման անվանման հետ: Ինքը կայսրը, ուղղակիորեն չի մասնակցել այդ անվան առաջացմանը։ Սկզբում, երբ դեռ հստակ դասակարգում չկար, արտադրողները որպես «կայսերական» բառի հոմանիշ օգտագործում էին «Նապոլեոն» բառը, որպեսի ընդգծեն նման խմիչքի բացառիկությունը։ Հետագայում կազմվել է կոնյակների դասակարգումը, և առաջադրվել են այնպիսի պահանջներ, որոնց բավարարման դեպքում միայն խմիչքը կարող է կրել «Նապոլեոն» պատվավոր անվանումը։
Նյութը հրապարակման պատրաստեց Կամո Խաչիկյանը
