ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Արթուր Ղազինյանին 9-րդ անգամ չընտրեցին

ՎԵՐԼՈՒԾՈՒԹՅՈՒՆՆԵՐ

«Հայաստան» խմբակցության պատգամավոր Արթուր Ղազինյանը 9-րդ անգամ չընտրվեց ԱԺ պաշտպանության և անվտանգության հարցերի մշտական հանձնաժողովի փոխնախագահ։ «Հայաստան» խմբակցությունը հերթական անգամ ընդդիմության անունից ներկայացրել էր Ղազինյանի թեկնածությունը։

«Երեքշաբթի օրերը դարձել են ղազինյանական օրեր։ Սրանով փորձ արվեց ցույց տալ, որ մեր հանձնաժողովն զբաղված է միայն ղազինյանական օրերով։ Ասեմ, որ մեր հանձնաժողովի ծանրաբեռնվածության ծավալն ամեն օր, ամեն շաբաթ մեծանում է։ Ռոբերտ Քոչարյանին և Սեյրան Օհանյանին ես առաջարկում եմ ներկայացնել այլ թեկնածուի, որպեսզի այս խնդիրը մենք օրացույցից հանենք»,- ասել է հանձնաժողովի նախագահ Անդրանիկ Քոչարյանը։

Անդրանիկ Քոչարյանի այս հերսոտումը հերթական անգամ ապացուցում է՝ գործող իշխանությունն ինքն էլ հայտնվել է իր անհեթեթ արարքների թակարդում, սակայն այլևս ի վիճակի չէ հետքայլ կատարելու և, ի վերջո, հարգելու օրենքի տառը։ Բացառապես մեկ մարդու՝ Նիկոլ Փաշինյանի քմահաճույքի համար «Քաղաքացիական պայմանագիրը» վերածվել է ծաղրածուների ոհմակի, թեև այդ խմբակցության մի մասն էլ հասկանում է, թե ինչ վատթար իրավիճակում է հայտնվել։

Ընդդիմությունը շարունակելու է նույն ոգով, նույնիսկ եթե Անդրանիկ Քոչարյանը ծնկաչոք գնա «Հայաստան» խմբակցության ղեկավարի մոտ ու խնդրի նոր թեկնածու առաջադրել։ Նոր թեկնածուի առաջադրումը կվնասի «Հայաստան» դաշինքի քաղաքական վարկին, իսկ այսպես պարզապես իշխանությունն է վարկաբեկվում։ Դժվար թե արմատական ընդդիմադիր ուժը ի հաշիվ իր վարկի աջակցի իր կողմից «դավաճանի» պիտակ ստացած ուժին։ Արդյունքում, 9-րդ անգամ Արթուր Ղազինյանը հաղթում է «Քաղաքացիական պայմանագրին», ցույց տալիս իշխանական ուժի սնանկությունն ու հաճկատարությունը, իսկ հանրությունն էլ տեսնում է, թե որքան անողնաշար և կամազուրկ են ԱԺ Պաշտպանության և անվտանգության հարցերի հանձնաժողովի նիկոլական անդամները։

Սամսոն Համբարձումյան

 

Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular