ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Փաշինյանը խոշորացնում է համայնքները, որ մասնատի երկիրը

ՎԵՐԼՈՒԾՈՒԹՅՈՒՆՆԵՐ

Հայաստանի Ազգային ժողովը երեկ ընդունեց կառավարության ներկայացրած օրենքի նախագիծը, որով 441 համայնքներ միավորվելով կդառնան 38, ընդհանուր Հայաստանում կլինի 79 համայնք, Երևանն էլ ներառյալ։ Նախագծի հեղինակները պնդում են՝ դրանք կունենան ավելի արդյունավետ կառավարման համակարգ՝ կայացած ավագանիով, ավելի մեծ ծրագրեր իրականացնելու և եղած գումարներով ավելի կարևոր ծառայություններ մատուցելու հնարավորություններով։

Կառավարության այս տեսակետը, սակայն, շատերը չեն կիսում: Երկու օր առաջ ընդդիմադիր կարծիքներ հնչեցին նաև խորհրդարանում հրավիրված լսումների ժամանակ։ Ընդդիմադիր «Հայաստան» և «Պատիվ ունեմ» խմբակցությունները հրաժարվեցին մասնակցել արտահերթ նիստին։ Արծվիկ Մինասյանը նշեց, թե իշխանությունը հակաօրինական և հակասահմանադրական քայլ է կատարում։ Ընդդիմության բոյկոտից հետո «Քաղաքացիական պայմանագիրը», ջան ասելով, ջան լսելով, հապշտապ «քննարկեց», երկու անգամ քվեարկեց և ընդունեց իր համար առանցքային նախագիծը։ Իսկ համայնքների խոշորացումը միայն մեկ նպատակ է հետապնդում։ Խոշորացման արդյունքներով պետք է նոր՝ համամասնական ընտրակարգով ընտրություններ կայանան։ Մեծամասնական ընտրակարգի դեպքում բարդ է վերահսկել բոլոր համայնքները, բազմաթիվ դեպքերում մարդիկ իրենց քվեն տալու են տեղերում հարգված, իշխանության հետ հակասություններ ունեցողներին, այլ ոչ փաշինյանականների ներկայացրած անուսում և անփորձ կադրերին։

Կուսակցական ցուցակներով իշխանությունը կարող է վերցնել այդ համայնքները կամ ավագանիներում մեծ ներկայություն ունենալ՝ ընդդիմադիր համայնքապետերին ճնշելու համար։ Տեղական ինքնակառավարման մարմինները իշխանության կարևոր լծակ են՝ հատկապես համապետական ընտրություններին վարչական լծակներ ունենալու առումով, և Փաշինյանը փորձում է ևս մեկ քայլով ապահովագրել իրեն, ազատվել անհաճո համայնքապետերից։

Նարեկ Կիրակոսյան

Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular