Ադրբեջանի պաշտպանության նախարարը մեկնել է Թուրքիա

Սեպտեմբերի 14-ին Թուրքիայի ազգային պաշտպանության նախարար Հուսուլի Աքարի հրավերով Ադրբեջանի պաշտպանության նախարար, գեներալ-գնդապետ Զաքիր Հասանովը և պաշտպանության փոխնախարար, ռազմաօդային ուժերի փոխհրամանատար, գեներալ-լեյտենանտ Ռամիզ Թաիրովը մեկնել են Թուրքիա:

Ինչպես հաղորդում է Minval.az-ը, այցի շրջանակում հանդիպումներ են նախատեսվում պաշտպանության նախարարության ղեկավարների և Թուրքիայի ռազմական ղեկավարության միջև: Նշվում է, որ ադրբեջանցի պաշտոնյաները կմասնակցեն նաև Քոնյայում անցկացվող «Թուր-Ազ Բազե-2021» թռիչքային-մարտավարական համատեղ զորավարժությունների ժամանակ իրականացվելիք դիտորդական միջոցառումներին: