Հայաստանը ավելացրել է մրգերի և բանջարեղենի արտահանումը Ռուսաստան
ՏՆՏԵՍՈՒԹՅՈՒՆ
tsargrad.tv-ն գրում է, որ ըստ Ռոսսելխոզնադզորի «Արգուս-Ֆիտո» տեղեկատվական համակարգի, Հայաստանն այս տարվա առաջին կիսամյակում ավելացրել է բանջարեղենի և մրգերի արտահանումը Ռուսաստան: Մասնավորապես, խնձորի առաքումը նախորդ տարվա համեմատ աճել է 15%-ով, 41%-ով աճել է պղպեղի, 5%-ով ծիրանի և 38%-ով կարտոֆիլի արտահանումը: Այս առումով, Հայաստանը որպես Ռուսաստան կարտոֆիլի հիմնական արտահանողներից մեկը սկսել է զբաղեցնել երրորդ տեղը:
Հիշեցնենք, որ օգոստոսի սկզբին Ռուսաստանի նախագահը հանձնարարել էր կառավարությանը միջոցներ ձեռնարկել ուղղված Անկախ Պետությունների Համագործակցության (ԱՊՀ) երկրներից, որի անդամ է նաև Հայաստանը, գյուղմթերքի ներմուծման ծավալների մեծացման ուղղությամբ: Ակնհայտ է, որ Հայաստանից առաքումների աճը կշարունակի լավ ցուցանիշներ արձանագրել Վլադիմիր Պուտինի հանձնարարականների կատարումից հետո:
Նյութը հրապարակման պատրաստեց Կամո Խաչիկյանը
