Հայերեն
1 $ = 0 ֏, 1 = 0 ֏, 1 = 0 ֏
ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Պատերազմից հետո նվագս փոխվեց. Շուշիի հրթիռակոծված եկեղեցում «Կռունկը» կատարած Սևակ Ավանեսյանը ելույթ կունենա Երևանում

ՄՇԱԿՈՒՅԹ

Բելգիայում ապրող և ստեղծագործող հայազգի թավջութակահար Սևակ Ավանեսյանը բազմաթիվ միջազգային հեղինակավոր մրցույթների դափնեկիր է, ժյուրիի անդամ, սակայն Հայաստանում երաժիշտը մեծ ճանաչում ձեռք բերեց Արցախյան 44-օրյա պատերազմի օրերին Շուշիի հրթիռակոծված Սուրբ Ամենափրկիչ Ղազանչեցոց եկեղեցում Կոմիտասի «Կռունկ» ստեղծագործության կատարումից հետո: Թավջութակահարը նշում է՝ նվագել է ոչ թե ինքը, այլ հայ ժողովուրդը:

«Արմենպրես»-ի հաղորդմամբ՝ Ավանեսյանն այժմ Հայաստանում է և եղբոր՝ Հրաչյա Ավանեսյանի, դաշնակահար Մարիաննա Շիրինյանի հետ Երևանում ելույթ է ունենալու Հայաստանի պետական նվագախմբի նվագակցությամբ:

Մինչ համերգը, որը տեղի կունենա հուլիսի 27-ին «Արամ Խաչատրյան» համերգասրահում, լրագրողները հնարավորություն են ունեցել մասնակցելու համերգի փորձին և զրուցելու Սևակ Ավանեսյանի հետ, որն իրեն երևանաբնակ է համարում. մեկնում է արտերկիր հյուրախաղերի, հետո վերադառնում հայրենիք:

Խոսելով Սուրբ Ամենափրկիչ Ղազանչեցոց եկեղեցում իր կատարման մասին՝ թավջութակահարն ասում է՝ պատերազմի օրերին այդ ելույթն անհրաժեշտ էր ամբողջ աշխարհին ցույց տալու, թե ինչ է կատարվում Արցախում և Հայաստանում, թե ինչ անարդարություն է տեղի ունենում, և աշխարհն ինչ անտարբեր է: «Այդ նպատակով նվագեցի եկեղեցում, բայց նոյեմբերի 9-ից մինչ օրս չեմ խոսել այդ մասին, քանի որ կատարումը մնաց պատմության մեջ: Պետք է խոստովանեմ՝ նվագելիս չէի սպասում, որ ամեն բան այսպես կավարտվի: Այդ պահին ես չէի. հայ ժողովուրդն էր»,-պատմում է թավջութակահարը:

«Կռունկ» ստեղծագործության ընտրությունը պատահաբար է եղել: Մինչ այդ պահը երաժիշտն այն երբեք չի նվագել: Հենց նստել է աթոռին, հասկացել է, որ «Կռունկը» պետք է նվագի: «Ո՛չ պարապել էի, ո՛չ տոնայնությունը գիտեի: Եթե հիմա պարապեմ, գուցե չկարողանամ այդ կերպ նվագել»,-ասում է նա:

Թավջութակահարը նաև պրոֆեսիոնալ մարզիկ է, սակայն կարողանում է համատեղել երաժշտությունն ու սպորտը: Վստահեցնում է, որ սպորտը ևս նրբություն է պահանջում: «Մարտարվեստ բառն արդեն խոսում է այն մասին, որ այն ևս արվեստ է: Մի քանի շաբաթ առաջ մասնակցել եմ բրազիլական ջիու-ջիթսուի և կրաֆտինգի Հայաստանի առաջնությանը և պատրաստվում եմ մասնակցել մարտեր առանց կանոնների աշխարհի առաջնությանը, որը տեղի կունենա օգոստոսի վերջին: Ձեռքերս դեռ լուրջ չեն վնասվել: Մարզումների և մրցումների ժամանակ վնասվածքներ ստանում եմ, բայց դա չի խանգարում նվագելուն»,-ասում է Ավանեսյանն ու հավելում՝ եթե թավջութակ չնվագեր, գուցե ավելի մեծ հաջողությունների հասներ սպորտում: Նրան հետաքրքիր է, թե ինչքան կարող է այս տարիքում սպորտով զբաղվել և հնարավո՞ր է չեմպիոն դառնալ:

Երաժիշտը մշտապես փորձել է կոտրել կարծրատիպերը: Այդ է վկայում նաև Հայ Առաքելական Եկեղեցում թավջութակ նվագելը: Շեշտում է՝ եթե կարող է թավջութակ նվագել, ռինգում հաջողությունների հասնել, ինչո՞ւ չանել դա:

Սևակ Ավանեսյանն այժմ նվագում է հանրահայտ թավջութակահար Միշա Մայսկու գործիքով: Կարևորում է թե՛ հույզերը, թե՛ կատարողական տեխնիկան: «Միշտ պարապում եմ տեխնիկայի վրա, բայց ելույթի ժամանակ այն կորչում է, այսինքն՝ այնքան ես պարապում, որ դա դառնում է բնական բան, իսկ կատարումն այն է, ինչը ես եմ: Կյանքում այն ամենն ինչ տեսնում եմ, ինչպես ապրում եմ, կարդում եմ, շնչում եմ, արտահայտվում է հույզերով, ինչն էլ փոխանցվում է տեխնիկայի միջոցով. տեխնիկան ընդամենը գործիք է: Իմ նվագը շատ փոխվեց պատերազմից հետո: Նույն գործերը հիմա այլ կերպ եմ տեսնում: Երբ պատերազմի օրերին Արցախում էի, գլխումս Բեթհովենի մի քանի ստեղծագործություն էր պտտվում: Սթրես էր, վախ, որ ամեն վայրկյան կարող են կրակել, կամ անօդաչու թռչող սարքը կարող է հարվածել: Ինձ պահողը, հաց ու ջուրը երաժշտությունն էր և պատերազմից հետո այլ կերպ եմ տեսնում ամեն բան»,-ընդգծում է նա:

Թավջութակահարն օրեր առաջ է վերադարձել Արցախից: Նշում է, որ ցավալի երևույթների ականատես է եղել, սակայն, երբ տեսել է, որ Արցախում երեխաները վազվզում են, ծիծաղում, դպրոց գնում, երբ մարդը, որը զրկվել է ոտքից, ժպտում է, ասում, որ պետք է նորից ստեղծել, երբ Հադրութում երկու որդուն կորցրած կինը ժպտում է, գալիս համերգի ու խոսում նորից կառուցելու մասին, հասկացել է, որ Արցախը կա, Հայաստանը կա և անհրաժեշտ է կրկին կառուցել:

Անդրադառնալով Սիմֆոնիկ նվագախմբ հետ սպասվող համերգին՝ Սևակ Ավանեսյանը պատմեց, որ առաջին անգամ են հանդես գալու միասին: Գաղափարը Ավանեսյանինն է: Երևանում են և՛ Սևակը, և՛ Մարիաննան և՛ Հրաչյան: Սերգեյ Սմբատյանին առաջարկել են ելույթ ունենալ միասին: Սմբատյանը միանգամից համաձայնել է, ասել, որ Հայաստանում չէ, սակայն նվագախումբը կղեկավարի Վահագն Պապյանը: Համերգին կհնչեն Լյուդվիգ վան Բեթհովենի Եռակի կոնցերտը և Պյոտր Չայկովսկու Սիմֆոնիկ ֆանտազիան՝ «Ֆրանչեսկա դա Ռիմինի»։

Historical Dates ՊԱՏՄՈՒԹՅԱՆ ԱՅՍ ՕՐԸ
Կորոնավիրուսից արդյունավետ պաշտպանվելու համար անհրաժեշտ կլինի ավելացնել պատվաստանյութերի դեղաչափերի քանակը Թուրքիայի նպատակը քրդերին ոչնչացնելն է"․ սիրիացի գործիչը կոչ է արել ՌԴ-ին զսպել թուրքերինՀադրութում իրականացված որոնողական աշխատանքները արդյունք չեն տվել, զոհված զինծառայողի աճյուն կամ մասունք չի հայտնաբերվել. Արցախի ԱԻՊԾԳորիս-Կապան ճանապարհին ստեղծված իրավիճակը շուտով կլուծվի․ Վահան Քերոբյան Վերին Լարսի անցակետի թողունակությունը հաջորդ տարի 6.5 անգամ կավելանա. Դմիտրի Վոլվաչ Պետք է կանխել Հայաստանի թուրքացումը․ համախմբված կերպով պետք է մերժենք այս՝ չարիքի իշխանության առաջ բերած կործանարար օրակարգը. սեղանին է դրված հայկական պետականության գոյության հարցը․ Իշխան ՍաղաթելյանՄի շարք զինծառայողներ պարգևատրվել ենԻնչպե՞ս ազատվել անքնությունից առանց դեղերի Մահացել է ՀՀ ժողովրդական արտիստ Ժենյա Ավետիսյանը Էրդողանն աշխատանքային այց կկատարի Ռուսաստան Օդի ջերմաստիճանը կնվազի 6-9 աստիճանով Քաբուլի միջազգային օդանավակայանը վերսկսել է աշխատանքը Արդյո՞ք կորոնավիրուսը բնական ծագում ունի Եթե մենք 21-ին երթով շարժվելու ենք Եռաբլուր, ապա ո՞ւր ենք գնալու սեպտեմբերի 27-ին. Գեղամ Նազարյան Պեսկովը հայտնել է ինքնամեկուսացման մեջ գտնվող Պուտինի ինքնազգացողության մասին Մահացել է Անահիտ Թոփչյանը Կանարյան կղզիներում ակտիվացել է գործող հրաբուխներից մեկը Ցանկացած շանս, որը կայունացնում է տարածաշրջանում իրավիճակը և բերում է խաղաղություն, պետք է օգտագործել. Մհեր Գրիգորյան Վարչապետի գունավոր շոուն և ոստիկանական ապօրինություններըՊղինձն էժանանում է Խաղաղապահներն ամեն օր լուծում են Արցախի բնակիչների ավելի քան 100 սոցիալական հարց Իրանը սկսում է նյարդայնանալ Այս պահի դրությամբ ՀՀ-ի և Թուրքիայի միջև որևէ շփում տեղի չի ունեցել. չնայած Հայաստանի կառավարությունը պատրաստ է նման շփումների. Մանե Գևորգյան Ոսկու գինն աճում է Մոլորվել սեփական երկրի տարածքում․ երբ բացակայում է պետությունը Սեպտեմբերի 19-ի դրությամբ` կատարվել է 366779 պատվաստումՀայաստանում կարտադրվի «Սպուտնիկ Լայթ» պատվաստանյութ Տրանսպորտային կապերի ապաշրջափակումը հնարավորություն կտա ավելացնել ՀՀ-ի և ՌԴ-ի ապրանքաշրջանառությունը. ՌԴ փոխվարչապետ Թուրքիան ծաղրում է․ վարչապետի ազդակը՝ Էրդողանի ապտակըՀայաստանում հաստատվել է կորոնավիրուսով վարակվելու 342, մահվան՝ 13 նոր դեպքՀանրային ծառայությունների սակագները կբարձրանա՞ն Գորիս-Կապան հատվածում չկան անվտանգային մեխանիզմներ, որոնք կկանխեն ինչպես առևանգման, այնպես էլ մոլորվելու դեպքերը․ Տիգրան Աբրահամյան «Արևիկ» ազգային պարկի տարածքում հրդեհաշիջման աշխատանքները վերսկսվել են Նիկոլ Փաշինյանը այն գործիչը չէ, որ կարող է հակադրվել ՄոսկվայինԳորիս-Կապան ճանապարհին տեղի ունեցածը ո՛չ սարդրանք է, ո՛չ էլ միջադեպ, սա այն ծրագրի մի մասն էՊատմության այս օրը (սեպտեմբերի 20)Խորհրդային ըմբշամարտիկ Վարդան Սարկիսով. կյանքը և սպորտըՈրոշվել է ամենահին կորոնավիրուսըՍոցիոլոգը բացատրել է ռուսաստանցիների վախերը միգրանտներիցԹուրքական պարադոքս. Թուրքիան և Ադրբեջանն են մեղադրում Հայաստանին տարածքային պահանջերի համարՌուսաստանին Լեռնային Ղարաբաղում անհրաժեշտ է նոր ռազմավարությունԿա երկու վիրավոր. ՌԴ ՊՆՈրևէ քաղաքացի երաշխիք չունի, որ ադրբեջանական ահաբեկումների կամ նույնիսկ ձերբակալման չի ենթարկվի. Տիգրան ԱբրահամյանՍպերմատոզոիդները դանդաղում են. ինչպես է կորոնավիրուսը ազդում տղամարդկանց առողջության վրաԱդրբեջանցիներն այս անգամ մեքենայի վրայից քերել են Հայաստանի դրոշը և «Armenia» բառը (տեսանյութ)BusyFly կիկշերինգ է գործարկվել Հայաստանի մայրաքաղաքումԿապան-Գորիս այլընտրանքային ճանապարհը պատրաստ կլինի մինչև նոյեմբերի վերջ. կառավարությունԱնցյալն ու ապագանԱդրբեջանցիների գործողությունները կլինի Արցախում, Գորիսում, թե Սյունիքում ցեղասպանություն են. Լարիսա Ալավերդյան«Նիկոլի համար դեռ շատ ճանապարհներ կան, որ սովետական քարտեզով ադրբեջանական են». Էլիզաբեթ Պետրոսյան
Ամենադիտված