Լուի վան Գալը դարձյալ կգլխավորի Հոլանդիայի հավաքականը

Լուի վան Գալը մոտ է ֆուտբոլի Հոլանդիայի հավաքականը դարձյալ գլխավորելուն:

NOS-ի համաձայն՝ 69-ամյա մասնագետի ու Հոլանդիայի թագավորական ֆուտբոլային միության միջև բանակցությունները եզրափակիչ փուլում են: Սպասվում է, որ հոլանդացի մասնագետը կկնքի 2 տարվա պայմանագիր:

Հոլանդիայի հավաքականի գլխավոր մարզիչի պաշտոնը թափուր է Ֆրանկ դե Բուրի հրաժարականից հետո:

Լուի վան Գալը Հոլանդիայի հավաքականը գլխավորել է 2000-2001-ը և 2012-2014-ը, իսկ ԱԱ-2014-ում դարձել է բրոնզե մեդալակիր: 2016-ից մարզիչը գործազուրկ է: