Ֆիլհարմոնիկ նվագախումբը ելույթ կունենա դիրիժոր Անդրեյ Բորեյկոյի ղեկավարությամբ

Հայաստանի ազգային ֆիլհարմոնիկ նվագախումբը հունիսի 25-ին «Արամ Խաչատրյան» համերգասրահում կայանալիք երեկոյին կներկայանա դիրիժոր Անդրեյ Բորեյկոյի ղեկավարությամբ:

Որպես մենակատար հանդես կգա ջութակահար Անուշ Նիկողոսյանը:

Ծրագրում՝ Դվորժակ՝ Ջութակի կոնցերտ, Մարտուչի՝ Նոկտյուրն, Ստրավինսկի՝ «Հրեղեն հավք» սյուիտ (1945թ. խմբագրություն):

Անդրեյ Բորեյկոն 2019 թվականից Վարշավայի Ֆիլհարմոնիկ նվագախմբի գեղարվեստական ղեկավարը և գլխավոր դիրիժորն է: Նվագախումբը Բորեյկոյի ղեկավարությամբ ելույթներ է ունեցել Շոպենի փառատոնում, Եվրոպական փառատոնում, Բեթհովենի Զատկի փառատոնում, Ճապոնիայում և այլուր:

Գործունեության սկզբում Բորեյկոն եղել է Poznan Philharmonic-ի, Jenaer Philharmonie-ի, Hamburger Symphoniker-ի, Winnipeg Symphony-ի, Berner Sinfonieorchester-ի և Düsseldorf Symphoniker-ի գեղարվեստական ղեկավարը և գլխավոր դիրիժորը: 2012-2017-ին նա Բելգիայի Orchestre National-ի գեղարվեստական ղեկավարը և գլխավոր դիրիժորն էր: