Դավիթաշենի կամրջի տակ տղամարդու դի է հայտնաբերվել

Այսօր առավոտյան Երևանի Դավիթաշենի կամրջի տակ 55-ից 60 տարեկան տղամարդու դի է հայտնաբերվել։ Տեղեկությունը հայտնում է Shamshyan.com-ը։  

Ժամը 07։30-ի սահմաններում  Արտակարգ իրավիճակների նախարարության փրկարար ծառայության  911 և ոստիկանության  Երևան քաղաքի վարչության օպերատիվ կառավարման կենտրոններ ահազանգ է ստացվել, որ Դավիթաշենի կամուրջի տակ տղամարդու դի կա։

Ոստիկաններն ու քննիչները պարզում են մահացածի ինքնությունը։ Փաստի առթիվ Աջափնյակ և Դավթաշեն վարչական շրջանների քննչական բաժնում նյութեր են նախապատրաստվում: