«Ռոմա»-ն պարտվել է 34-րդ տուրում
ՍՊՈՐՏ
Իտալիայի ֆուտբոլի առաջնության 34-րդ տուրում «Ռոմա»-ն արտագնա խաղում մրցեց «Սամպդորիա»-ի հետ: Տան տերերը հանդիպման հաշիվը բացեցին խաղի առաջին կեսի վերջում` 45-րդ րոպեին: Աչքի ընկավ Ադրիեն Սիլվան: «Սամպդորիա»-ն խփեց նաև երկրորդ գնդակը: Գոլն իր ակտիվում գրանցեց Յակուբ Յանկտոն: «Ռոմա»-ի կազմում 75-րդ րոպեին նշանակված 11 մետրանոց հարվածը չիրացրեց Էդին Ջեկոն:
Հայաստանի ֆուտբոլի ազգային թիմի ավագ Հենրիխ Մխիթարյանը «Ռոմա»-ի մեկնարկային կազմում էր և մասնակցեց ամբողջ խաղին:
Այս տուրից հետո «Ռոմա»-ն Սերիա Ա-ի մրցաշարային աղյուսակում 7-րդն է և ունի 55 միավոր: Ավելի վաղ հայտնի էր դարձել, որ Իտալիայի առաջնության չեմպիոն ժամանակից շուտ դարձել է «Ինտեր»-ը:
