Պատմության այս օրը (փետրվարի 25)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Քուվեյթ՝ Ազգային օր, Վրաստան՝ Խորհրդային օկուպացիայի օր։
ՀԱՅԱՍՏԱՆՈՒՄ
1865 - ծնվել է ազգային-ազատագրական շարժման գործիչ, զորահրամանատար, պետական գործիչ, ֆիդայապետ(հայդուկապետ) Անդրանիկ Օզանյանը:
1904 - ծնվել է հայազգի խորհրդային ռազմածովային նավատորմի փոխծովակալ Վալերիան Սուրաբեկովը։
1909 - ծնվել է ԽՍՀՄ ավիացիայի գեներալ-գնդապետ Սերգեյ Սարդարովը։
1953 - ծնվել է կինոռեժիսոր, սցենարիստ և օպերատոր Լևոն Մկրտչյանը։
1959 - ծնվել է թարգմանիչ,խմբագիր Սամվել Մկրտչյանը։
1992 – Ղարաբաղյան պատերազմի ժամանակ հայկական կամավորական ջոկատները ազատագրել են Խոջալուն։
2003 - վախճանվել է ականավոր գիտնական, ինժեներ-կոնստրուկտոր, գյուտարար Ալեքսանդր Քեմուրջյանը։
2004 - Հուշարձանների և պատմական վայրերի համաշխարհային խորհրդի (ԻԿՈՄՈՍ) ամենամյա «Վտանգված ժառանգություն» տեղեկագրքի վերջին թողարկման մեջ ուշադրություն է արժանացել ներկայումս Նախիջեւանի տարածքում գտնվող Ջուղայի հայկական գերեզմանատան հազարավոր խաչքարերի ոչնչացման վրա, դա որակվել է «բարբարոսական» քրեական գործողություն, որի համար պատասխանատուն Ադրբեջանի կառավարությունն է:
2005 - Թուրքիայի Գերագույն ազգային ժողովը ընդունել է Խոջալուի «ցեղասպանությունը» դատապարտող բանաձև:
2006 - Նախագահ Ռոբերտ Քոչարյանի հրամանագրով Արմեն Գևորգյանը նշանակվել է նախագահի աշխատակազմի ղեկավար։
2008 - Լոս Անջելեսում հանրահավաք են անց կացրել Հայաստանի առաջին նախագահ Լևոն Տեր-Պետրոսյանի աջակիցները:
2014 - տեղի է ունեցել անվանի աստղագետ, գեղանկարիչ, բազմաթիվ գրական ստեղծագործությունների հեղինակ, ակադեմիկոս Գրիգոր Գուրզադյանի հուղարկավորությունը:
ԱՇԽԱՐՀՈՒՄ
1304 – ծնվել է մարոկկացի բնախույզ Իբն Բատուտան։
1682 — ծնվել է իտալացի բժիշկ, պաթանատոմիայի հիմնադիր Ջովաննի Բատիստա Մորգանին։
1725 — ծնվել է ֆրանսիացի ինժիներ, գյուտարար Ժոզեֆ Կյունոն, որը հանդիսանում է առաջին ինքնագնաց մեքենայի հիմնադիրը։
1836 — ԱՄՆ-ում Սեմյուել Կոլտը արտոնագրել է իր ստեղծած Կոլտ ատրճանակը։
1848 — ֆրանսիայում հայտարարվել է Երկրորդ հանրապետության ծնունդը։
1871 - ծնվել է ուկրաինացի բանաստեղծուհի, թարգմանչուհի, մշակութային գործիչ Լեսյա Ուկրաինկան։
1873 - ծնվել է իտալացի երգիչ Էնրիկո Կարուզոն։
1904 - Ակրիի Հանրապետությունը մտել է Բրազիլիայի կազմի մեջ։
1921 - 11-րդ Կարմիր բանակը մտել է Վրաստան և այնտեղ հաստատվել է խորհրդային իշխանություն։
1952 - Նորվեգիայի մայրաքաղաք Օսլոյում տեղի է ունեցել 6-րդ Ձմեռային Օլիմպիական խաղերի փակման հանդիսավոր արարողությունը։
1956 — ԽՍՀՄ-ում ԽՄԿԿ 20-րդ համագումարում Նիկիտա Խրուշչովը ելույթ է ունեցել Ստալինի անհատի պաշտպանմունքի բացահայտման ելույթով։
1964 — Լենինգրադում կարդիովիրաբույժ Վասիլի Կոլեսովը իրականացրել է ԽՍՀՄ-ում առաջին աշխատող մարդու սրտի կորոնար շունտավորումը։
1977 — տեղի է ունեցել հրդեհ Մոսկվայի «Ռուսաստան» հյուրանոցում, որի արդյունքում զոհվել է 43 և վնասվածքներ են ստացել 52 մարդ։
1983 – վախճանվել է ամերիկյան գրող և դրամատուրգ Թենեսի Ուիլյամսը։
1992 – ստեղծվել է Ռուսաստանի Տիեզերական դաշնային գործակալությունը։
1999 – վախճանվել է ամերիկացի նշանավոր քիմիկոս և ֆիզիկոս, Նոբելյան մրցանակի դափնեկիր Գլենն Սիբորգը։
2003 - վախճանվել է իտալացի դերասան և ռեժիսոր Ալբերտո Սորդին։
2004 – կայացել է ռեժիսոր Մել Գիբսոնի «Քրիստոսի չարչարանքները» ֆիլմի պրեմիերան։
2009 - Ստամբուլից Ամստերդամ թռչող թուրքական «Turkish Airlines» ընկերության Boeing 737 ինքնաթիռը վթարի է ենթարկվել, որի արդյունքում ինքնաթիռում գտնվող 134 անձանցից զոհվել է միայն 9-ը իսկ 125-ը ողջ են մնացել։
2010 - Կիևում կայացել է Ուկրաինայի նախագահ Վիկտոր Յանուկովիչի ինագուրացիայի արարողությունը։
2018 - Տեղի է ունեցել 23-րդ Ձմեռային օլիմպիական խաղերի փակման հանդիսավոր արարողությունը (Փհենյան, Հարավային Կորեա)։
2020 - Կահիրեում վախճանվել է Եգիպտոսի նախկին նախագահ Հոսնի Մուբարաքը:
Նյութը հրապարակման պատրաստեց Կամո Խաչիկյանը
