ՌԴ-ն ենթարկվել է ուկրաինական անօդաչուների զանգվածային գրոհի

Ռուսաստանի պաշտպանության նախարարությունը հայտնել է, որ գիշերը Ռուսաստանի ՀՕՊ համակարգերը խոցել են 172 ուկրաինական անօդաչու թռչող սարք։

«Հունիսի 15-ի, Մոսկվայի ժամանակով ժամը 20:00-ից մինչև հունիսի 16-ի, Մոսկվայի ժամանակով ժամը 07:00-ն ընկած գիշերը ՀՕՊ համակարգերը որսացել և ոչնչացրել են 172 ուկրաինական անօդաչու թռչող սարք», - ասվում է հայտարարության մեջ։

Անօդաչու թռչող սարքերը խոցվել են Աստրախանի, Բելգորոդի, Բրյանսկի, Կալուգայի, Կուրսկի, Վոլգոգրադի, Վորոնեժի, Օրյոլի, Տամբովի, Տուլայի, Ռոստովի և Ռյազանի մարզերի, Մոսկվայի մարզի, Կրասնոդարի երկրամասի, Ղրիմի, ինչպես նաև Ազովի և Սև ծովերի տարածքում։

Պաշտպանության նախարարության ՀՕՊ ուժերը ոչնչացրել են 15 անօդաչու թռչող սարք, հայտարարել է Մոսկվայի քաղաքապետ Սերգեյ Սոբյանինը։

«Պաշտպանության նախարարության ՀՕՊ ուժերը ոչնչացրել են տասնհինգ անօդաչու թռչող սարք։ Վթարի վայրում աշխատում են արտակարգ ծառայություններ», - գրել է Սոբյանինը Max հարթակում։

Պերմի երկրամասում հայտարարվել է հրթիռային տագնապ, հայտնել է Արտակարգ իրավիճակների նախարարության տարածաշրջանային մամուլի ծառայությունը։
«Պերմի երկրամասում հայտարարվել է հրթիռային տագնապ։ Բոլոր արտակարգ ծառայություններին տեղեկացվել է և նրանք գտնվում են լիարժեք մարտական ​​պատրաստության մեջ», - ասվում է գերատեսչության հայտարարության մեջ Max հարթակում։