Օպերատիվ իրավիճակը հանրապետությունում հուլիսի 22-23-ը

Ըստ ոստիկանության օպերատիվ հաղորդագրությունների ամփոփագրերի՝ հուլիսի 22-ից 23-ը ՆԳՆ ոստիկանության ստորաբաժանումները բացահայտել են հանցագործության 140 դեպք, որոնցից 4-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 42, խարդախության՝ 14, ֆիզիկական ներգործության՝ 9, մարմնական վնասվածք պատճառելու, անձնական ունեցվածքի գողության և թմրանյութի հայտնաբերման՝ 8-ական, հոգեկան ներգործության, գույքը ոչնչացնելու կամ վնասելու, կաշառակերության, սառը զենքի հայտնաբերման ու աշխատանքի պաշտպանության կանոնները կամ պահանջները խախտելու՝ 3-ական, մարդու առևանգման, մարդու թրաֆիքինգի կամ շահագործման, բնակարանային գողության, դրամանենգության, խուլիգանության, զենք-զինամթերքի առգրավման, ինքնավնասման և փաստաթղթի կեղծման՝ 2-ական, պաշտոնեական լիազորությունների չարաշահման, ծառերը, թփերը ապօրինի հատելու, 16 տարին չլրացած անձի նկատմամբ սեքսուալ բնույթի գործողություններ կատարելու, թմրամիջոցի մաքսանենգության, պոռնկագրական նյութեր պատրաստելու կամ տարածելու, փաստաթղթեր հափշտակելու, կանխամտածված սնանկության, հողը փչացնելու, դատարանի նկատմամբ անհարգալից վերաբերմունքի, անառակաբարո արարք կատարելու, սուտ մատնության, անզգուշությամբ առողջությանը միջին ծանրության վնաս պատճառելու, ընդերքի պահպանման կամ օգտագործման պահանջները խախտելու ու ապացույցներ թաքցնելու՝ 1-ական դեպք։
Հայտնաբերվել են 1 անհետ կորած և 3 հետախուզվող։ Կամավոր ներկայացել է 3 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործության դեպքերից բացահայտվել է անձնական ունեցվածքի գողության՝ 2, մարմնական վնասվածք պատճառելու և խուլիգանության՝ 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար. 1 մարդ զոհվել է, 15-ը՝ ստացել տարբեր աստիճանի մարմնական վնասվածքներ։