Թուրքիայում ուժգին երկրաշարժ է տեղի ունեցել

Թուրքիայի «Աղետների և արտակարգ իրավիճակների վարչության» (AFAD) տարածած հաղորդագրության համաձայն՝ երկրի արևելյան հատվածում երկրաշարժ է տեղի ունեցել:

Այն գրանցվել է Մալաթիայի Բաթթալգազի շրջանում: Ուժգնությունն էպիկենտրոնում կազմել է 4.3 մագնիտուդ:

Մալաթայի նահանգապետ Էրսին Յազըջըն երկրաշարժից հետո իր սոցհաշվում կատարած գրառմամբ տեղեկացրել է հանրությանը, որ իրավիճակը կայուն է:

«Որևիցե բացասական բան չի գրանցվել»,-գրել է նա: