Ցիցիպասը՝ Մոնտե Կառլոյի մրցաշարի եռակի հաղթող

Աշխարհի 12-րդ ռակետ, հույն թենիսիստ Ստեֆանոս Ցիցիպասը երրորդ անգամ իր կարիերայում դարձավ Մոնտե Կառլոյի մրցաշարի հաղթող։

Չեմպիոնի կոչման համար պայքարում նա երկու սեթում 6:1, 6։4 հաշվով հաղթեց աշխարհի 10-րդ ռակետ, նորվեգացի Կասպեր Ռուդին։

Մարզիկները կորտում անցկացրել են 1 ժամ 36 րոպե։

Այժմ Ցիցիպասը Մոնտե Կառլոյի (Մոնակո) Մասթերսի եռակի հաղթող է։ Նախկինում նա հաղթել էր մրցաշարում՝ 2021 և 2022 թվականներին։