Օդանավակայանում երկու մարդատար ինքնաթիռներ են բախվել (տեսանյութ)

Լոնդոնի Հիթրոու օդանավակայանում երկու մարդատար ինքնաթիռներ են բախվել։ Միջադեպի հետևանքների տեսագրությունը հրապարակել է Daily Mail տաբլոիդը։

Վթարը տեղի է ունեցել ապրիլի 6-ին։ Virgin Atlantic ինքնաթիռը ցածր արագությամբ բախվել է British Airways Airbus A350 ինքնաթիռին։ Առաջին օդանավի թեւը դիպել է երկրորդի պոչին, ինչի արդյունքում երկու ինքնաթիռներն էլ խոցվել են։ Ոչ մի մարդ չի տուժել։

Հայտնի է, որ բախումից առաջ British Airways-ի ինքնաթիռը Լոնդոն էր ժամանել Գանայի մայրաքաղաքից։ Այն պետք է հետ թռչեր ժամը 12:40-ին (Երևանի ժամանակով 12:40-ին), սակայն չվերթը հետաձգվել է: Ուղևորներին այլ ինքնաթիռով են ուղարկել Գանա։ Երկու ավիաընկերություններն էլ միջադեպի հետ կապված հետաքննություն կանցկացնեն։