Գարիկ Զեբելյանը խաղացել է Տատյանա Տուրի «Երջանիկ հույսերի գիշեր» մյուզիքլում

Մոսկվայում կայացել է երաժշտական պրոդյուսեր Տատյանա Տուրի «Երջանիկ հույսերի գիշեր» ներկայացման պրեմիերան:

Ներկայացման հերոսներին մարմնավորել են Գարիկ Զեբելյանն ու ռուսական շոու-բիզնեսի մի շարք այլ հայտնի արտիստներ:

Գարիկ Զեբելյանը երիտասարդ արտիստ է Սոչիից։ 2021-ին նա դարձել է «Ну-ка, все вместе!» հեռուստատեսային շոուի առաջին թողարկման սենսացիան «Россия» հեռուստաալիքի եթերում: Վոկալիստը կատարել է Ուիթնի Հյուսթոնի« Run to you» երգը և ստացել ժյուրիի բոլոր 100 անդամների ձայները: Ֆիլիպ Կիրկորովը Գարիկի ելույթից հետո ասել է, որ նա «անսովոր տղա է»:

«Դուք հրաշալի եք երգում: Թող այս ցնցող տեսարանը ցատկահարթակ լինի ձեզ համար»,- ասել է Կիրկորովը: