Պյատիգորսկի թանգարանում հայկական այբուբենի նկարչության և «Քոչարի» պարի վարպետության դաս է անցկացվել

Alphanews.am-ը գրում է.

«Ռուսաստանն իմ պատմությունն է» թանգարանում անցկացվել է այբուբենի տառերի նկարչության վարպետության դաս՝ «հայկական վայելչագրության» ոճով: Այն վարել է «Արև» կրթական կենտրոնի նկարչուհի Հասմիկ Պողոսյանը:

Պյատիգորսկի հայկական համայնքի տելեգրամյան ալիքը հայտնում է, որ հյուրերը տեղեկացել են հայոց այբուբենի, Մեսրոպ Մաշտոցի պատմության և հայոց այբուբենի հետ կապված անհավանական փաստերի մասին:

Իսկ You la պարարվեստի դպրոցը վարպետության դաս է անցկացրել «Քոչարի» հայկական ժողովրդական պարի վերաբերյալ: