ՀՀ ԱԳ փոխնախարարը ԵՄ բանագնացի հետ քննարկել է տնտեսական կապերին վերաբերող հարցեր

Մայիսի 24-ին ՀՀ ԱԳ նախարարի տեղակալ Մնացական Սաֆարյանն ընդունել է ԵՄ պատժամիջոցների կիրարկման հարցերով միջազգային հատուկ բանագնաց Դեյվիդ Օ՛Սալիվանին:

ՀՀ ԱԳՆ-ից NEWS.am-ին հայտնում են, որ հանդիպման ընթացքում Մնացական Սաֆարյանը և Դեյվիդ Օ՛Սալիվանը քննարկել են ՀՀ-ԵՄ փոխգործակցությանը, մասնավորապես` տնտեսական կապերին վերաբերող հարցեր: Գոհունակությամբ ընդգծվել է վերջին շրջանում Հայաստանի և ԵՄ երկրների միջև առևտրաշրջանառության աճը: Շեշտվել է ԵՄ-ի հետ տնտեսական կապերի ամրապնդման և խորացման կարևորությունը:

Զրուցակիցները կարևորել են պարբերական շփումները և շարունակական երկխոսությունը: