ԱՄՆ-ն «կհոգա» չինական օդապարիկի շուրջ ստեղծված իրավիճակի մասին․ Բայդեն

ԱՄՆ նախագահ Ջո Բայդենը հայտարարել է, որ ԱՄՆ վարչակազմը «կհոգա» ԱՄՆ օդային տարածքում չինական օդապարիկի շուրջ ստեղծված իրավիճակի մասին։ Այս մասին հայտնում է ՏԱՍՍ-ը։

«Մենք կհոգանք դրա մասին»,- ասել է Բայդենը՝ մեկնաբանելով չինական օդապարիկի շուրջ ստեղծված իրավիճակը։

Միացյալ Նահանգների նախագահը չի պարզաբանել իր հայտարարությունը։

Ավելի վաղ Չինաստանի ԱԳՆ-ն ԱՄՆ օդային տարածքում իր օդապարիկի հայտնվելը բացատրել էր նախատեսված ուղուց ուժեղ քամու պատճառով շեղումով։