«Ալաշկերտը» խզել է պայմանագրերը 5 ֆուտբոլիստի հետ
ՍՊՈՐՏ
«Ալաշկերտը» երկկողմանի համաձայնությամբ խզել է պայմանագրերը 5 ֆուտբոլիստի հետ։ Այս մասին հայտնում են ակումբի մամուլի ծառայությունից։
«Իրենց ելույթները չեն շարունակի Արման Մելիքսեթյանը, Սերգեյ Ռևյակինը, Վահագն Այվազյանը, Ռումյան Հովսեփյանը և Բուրբանո Կաստիլյոն»,-ասված է հաղորդագրությունում:
Ակումբը շնորհակալություն է հայտնել ֆուտբոլիստներին կատարած աշխատանքի համար, հաջողություն մաղթել հետագա կարիերայում և խոստացել ֆուտբոլասերներին նոր համալրումների մասին տեղեկացնել մոտ ապագայում։
