ՀԱՊԿ-ը կստեղծի կենսաբանական անվտանգության համակարգող խորհուրդ
ՔԱՂԱՔԱԿԱՆՈՒԹՅՈՒՆ
Հավաքական անվտանգության պայմանագրի կազմակերպությունը (ՀԱՊԿ) ստեղծում է կենսաբանական անվտանգության համակարգող խորհուրդ։ Ինչպես պարզաբանել է կազմակերպության գլխավոր քարտուղար Ստանիսլավ Զասը, խորհուրդը, մասնավորապես, կքննարկի մի շարք երկրներում կենսալաբորատորիաների գործունեության խնդիրը։
Զասը հայտնել է, որ որոշումը կայացվել է նոյեմբերի 23-ին` Երևանում կայացած ՀԱՊԿ Հավաքական անվտանգության խորհրդի գագաթնաժողովում։ «Կքննարկվի կենսաբանական լաբորատորիաների թեման»,- հավելել է գլխավոր քարտուղար Զասը ONT հեռուստաալիքին տված հարցազրույցում։
