Հայերեն
1 $ = 0 ֏, 1 = 0 ֏, 1 = 0 ֏
ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Դաշնակիցների վերաբերյալ տեղեկատվական արտահոսքով փորձում է անելանելիության զգացում ստեղծել. «Հայաստան» խմբակցություն

ՔԱՂԱՔԱԿԱՆՈՒԹՅՈՒՆ

«Հայաստան» խմբակցությունը ֆեյսբուքյան իր էջում գրում է. 

ԱԺ «Հայաստան» խմբակցությունն ընդլայնված կազմով նիստ է արել եւ քննության առել Աժ հերթական նիստերին նախորդող զարգացումներն ու արձանագրել, որ Հայաստանի Հանրապետության եւ Արցախի Հանրապետության առջեւ ծառացած մարտահրավերները մեղմացման փոխարեն առավել ուժգնացել են:

«Ադրբեջանը՝ Թուրքիայի անթաքույց աջակցությամբ, շարունակում է հայատյաց եւ ցեղասպան քաղաքականությունը, որի վերջին վկայությունը դիրքերում հայ զինծառայողների նկատմամբ իրականացված՝ միջազգային ռազմական հանցագործություն գնահատվող վայրագությունն է, որի իրավաքաղաքական պատասխանը պետք է լինի ինչպես միջազգային, այնպես էլ ներպետական իրավական մեխանիզմների գործադրումը՝ մեղավոր անձանց պատասխանատվության ենթարկելու համար: Իրականությունը առավել մռայլ է Հայաստանի գործող իշխանությունների անձեռնահաս եւ ապիկար քաղաքականության պայմաններում: Ակնհայտ է. Հայոց պետականությունը եւ Հայ ժողովուրդը կանգած են գոյաբանական սպառնալիքի առջեւ:

Խմբակցությունը վերահաստատել է նախկինում տրված իր գնահատականն առ այն, որ նման պայմաններում Հայաստանի ներկա քաղաքական իշխանություններն անվտանգության հարցերը եւ դրանց լուծումները օրակարգային դարձնելու փոխարեն շարունակում են հասարակությանը հրամցնել ոչ առաջնային, հաճախ նաեւ վտանգավոր օրենսդրական եւ այլ նախաձեռնություններ: Մասնավորապես.

1. Զազրելի է Հայաստանը ներկայացնող անձի կողմից ՄԱԿ-ի ամբիոնից խաղաղություն աղերսելով՝ Ադրբեջանից քարտեզ խնդրելը, իր ընտանեկան թերթով Հայոց պետականության ոչնչացմանն ուղղված ադրբեջանական պահանջների, ինչպես նաեւ դաշնակիցների վերաբերյալ տեղեկատվական արտահոսքի կազմակերպումը, որով զուգահեռաբար ահաբեկում է հանրությանը եւ փորձում ստեղծել անելանելիության զգացում եւ քաոս: Սա այն դեպքում, երբ այս վիճակի ստեղծման թիվ մեկ պատասխանատուն ինքն ու իր քաղաքական խմբակն են:

Խմբակցությունը որոշել է այս հարցի, ինչպես նաեւ Արցախի Հանրապետության անվտանգության խորհրդի հայտարարության առնչությամբ հանդես գալ առանձին հրապարակմամբ:

2. Դաշնակիցների վերաբերյալ իրարամերժ եւ սպառազինություն ձեռք բերելու անկարողության վերաբերյալ վտանգավոր հայտարարություններով, զինված ուժերի թուլացման պատճառ դարձած օրենսդրական եւ գործադիր նախաձեռնություններով, բանակին ժողովրդային աջակցության մերժման վարքագծով, արտաքին սպառնալիքներին դիմագրավելուն կոչված երկրի ռազմաքաղաքական եւ ռազմարդյունաբերական համակարգը ակնհայտ անգործունակ դարձնելով, արտաքին մարտահրավերներին դիմագրավելու համար կենսականորեն անհրաժեշտ ներազգային համերաշխությունն ու Հայաստան-Արցախ-Սփյուռք եռամիասնությունը ջարդելով՝ Հայաստանի գործող քաղաքական իշխանությունը կանխամտածված կամ ակամայից օժանդակում է Հայաստանի թշնամիներին եւ արտաքին աշխարհում նպաստում հակահայ մթնոլորտի ձեւավորմանը:

3. Վերը նշված վարքագծին զուգահեռ կեղծ խաղաղասիրական թեզեր հրապարակ նետելով՝ Հայաստանի գործող քաղաքական իշխանությունը չի անդրադառնում հանգամանքին, որ իրական եւ արժանապատիվ խաղաղությունը ձեռք է բերվում վերոնշյալ համարժեք երաշխիքներով, որոնք ներկայումս պետք է լինեն Հայաստանի իրական օրակարգի հարցեր:

Խմբակցությունն, անդրադառնալով ԱԺ՝ ս.թ. հոկտեմբերի 4-ի հերթական նիստերի օրակարգին, արձանագրել է, որ ԱԺ քաղաքական մեծամասնությունը շարունակում է Հայաստանի իրական օրակարգին անհաղորդ լինել: Ապօրինի կերպով մերժելով խորհրդարանական ընդդիմության առաջադրած նախաձեռնությունները՝ քաղաքական մեծամասնությունը եւ Աժ ղեկավարությունը իրենց մեծամտությամբ եւ ոչ ադեկվատ վարքածով ապալեգիտիմացնում են առաջնային մանդատով օժտված բարձրագույն ներկայացուցչական մարմինը:

Դեմ լինելով հերթական նիստերի օրակարգային այն հարցերին, որոնք խեղաթյուրում են Հայաստանի իրական օրակարգը, խմբակցությունը հարկ է համարել անդրադառնալ օրկարագում ներառված երեք հարցի: Մասնավորապես, ԱԺ օրակարգում ներառված է 44-օրյա պատերազմի հանգամանքներն ուսումնասիրող հանձնաժողովի գործունեության ժամկետը 6-ամսով երկարացնելու հարցը: Ինչպես նշել ենք, այս հարցով ԱԺ գործող պաշտպանության եւ անվտանգության հարցերի հանձնաժողովը ունակ չէ իրականացնելու արդյունավետ աշխատանք, քանի որ նրանում մեծամասնությունը կազմում են այն նույն իշխանության ներկայացուցիչները, որոնց բացթողումների ու առերեւույթ հանցագործությունների արձանագրմամբ պետք է զբաղվի այս քննիչ հանձնաժողովը:

Հետեւաբար, այն անկախ չէ եւ չի կարող արձագրել դրական արդյուքներ, ինչի վկայությունն է նախորդ վեց ամիսների ընթացքում հանձնաժողովի գործունեությունը: Ավելին՝ փորձ է արվում եւ արվելու խեղաթյուրել պարտության իրական պատճառները:

Մինչդեռ, «Հայաստան» խմբակցությունը դեռեւս ամիսներ առաջ առաջադրել էր 44-օրյա պատերազմի բոլոր հանգամանքներն ուսումնասիրող, իրականում անկախ ինքնավար մարմնի ստեղծման օրինագիծ, որի քննարկումն ու ընդունումը սակայն մերժվեց իշխանության կողմից:

«Հայաստան» խմբակցության առաջարկությունը ընդունվելու դեպքում ուսումնասիրության առարկա կլինեին նաեւ 44-օրյա պատերազմից հետո Հայաստանի եւ Արցախի անվտանգության համակարգերի բացերն ու թերությունները, որոնց վերացումը հիմք կտար կանխարգելելու Ադրբեջանական նոր եւ շարունական ագրեսիան եւ պատերազմական գործողությունները: «Հայաստան» խմբակցությունը, դեմ լինելով ԱԺ պաշտպանության եւ անվտանգության հարցերի մշտական հանձնաժողովի, որպես քննիչ հանձնաժողովի ժամկետի երկարացմանը, շարունակելու է հետամուտ լինել իր նախաձեռնության կյանքի կոչմանը:

ԱԺ օրակարգի մեկ այլ հարցով կառավարությունն առաջարկում է ընդունել Հայաստանի Հանրապետության կրթության մինչեւ 2030 թվականի զարգացման պետական ծրագիրը: Խիստ կարեւորելով այս թեման, որպես Հայաստանի երկարաժամկետ զարգացման կարեւոր հենասյուն, խմբակցությունը որոշեց այս հարցով կազմակերպել հանրային, մասնագիտական լայն քննարկում՝ առկա մարտահրավերների հատկորոշման եւ առաջարկվող լուծումների համարժեքության գնահատման առումով:

Անդրադառնալով աշխատանքի եւ սոցիալական պաշտպանության ոլորտին վերաբերող օրինագծերին, խմբակցությունը կրկին փաստում է, որ քննարկվող հարցերը վերաբերելի չեն ոլորտում առկա հրատապ խնդիրներին, այդ թվում՝ խորացող աղքատությանը:

Historical Dates ՊԱՏՄՈՒԹՅԱՆ ԱՅՍ ՕՐԸ
Ծեծկռտուք՝ քրեակատարողական ծառայության «Ոստիկանների բանտում». կան վիրավորներՀայ-թուրքական սահմանի բացման նպատակով տեխնիկական հարցերի քննարկումները շարունակվելու են. «Ազատություն»ՌԴ ՊՆ-ն՝ Արցախում տիրող իրավիճակի մասինՖրանսիայի Ազգաին ժողովը միաձայն ընդունել է Հայաստանին աջակցող և Ադրբեջանի նկատմամբ պատժամիջոցներ առաջարկող բանաձևՆԱՏՕ-ն ռազմական գործողություններ է նախապատրաստում արևելյան ուղղությամբ. Բելառուսի ՊՆԿտա՞ արդյոք Նիկոլ Փաշինյանն Արսեն Թորոսյանին ձերբակալելու «դաբրոն»Համընդհանուր հայտարարագրման համակարգի ներդրումն ունենալու է էական հակակոռուպցիոն էֆեկտ. ՀՀ վարչապետՓաշինյանի թիմակիցների և նրանց ազգականների՝ միլիարդների հասնող շահած տենդերներըԳյումրիում խոստացված ազատ տնտեսական գոտին կյանքի չի կոչվում. Civilnet․amՆԱՏՕ-ն այժմ իր գլխավոր խնդիրը համարում է Ուկրաինայի հաղթանակի ապահովումը. Ստոլտենբերգ«Լուկօյլ»-ը դադարեցնում է նավթի արտահանումը Բաքու-Թբիլիսի-ՋեյհանովՀայաստանի սահմանը հատած Թուրքիայի քաղաքացին դատապարտվել է 9 ամիս ազատազրկմանԱրցախի ՊԲ-ն կրակ չի բացել օկուպացված տարածքներում ադրբեջանական դիրքերի ուղղությամբ81-ամյա կինը գազօջախի մոտ թիկունքով կանգնած ժամանակ հագուստն անզգուշաբար այրել է, ինչից հետո այրվածքներ է ստացել ու մահացելՀՀ պետական կառավարման մոդելը չի փոխվի, կմնա խորհրդարանական. որոշումՔաղաքական ընդդիմախոսների հետապնդումները սաստկանում են Պատերազմը հետաձգվում է․ ի՞նչ է խոստացել ՓաշինյանըՀայաստանում քաղաքական ճգնաժամի սպասումովԱդրբեջանն Արցախում խախտել է հրադադարը և լուր տարածել, թե իբր ՊԲ-ն է կրակել իրենց ուղղությամբՖրանսիացիների ցուցադրած խաղը ինձ հիմնավոր հույս է ներշնչում, որ Աշխարհի գավաթը ևս 4 տարի կմնա Փարիզում. Մանե Թանդիլյան«Ղարաբաղը «փակող» հաշտության պայմանագիրը Զատուլինն անվանել է Հայաստանի կապիտուլյացիա» Ձյուն, անձրև, մառախուղ… Վարորդներին խորհուրդ է տրվում երթևեկել ձմեռային անվադողերով«Երևանը կրկին ստիպված կլինի «նվաճել» Մոսկվան, և ոչ թե հակառակը» Սյունիքի մարզում ձյուն է տեղում. կան փակ ճանապարհներՊԱՏՄՈՒԹՅԱՆ ԱՅՍ ՕՐԸ ( 30 նոյեմբեր)Վթարի պատճառով 14 ժամ ջուր չի լինելու Աբովյան քաղաքումԱնկարան պետք է դառնա աշխարհի կենտրոն․ ԷրդողանԱհազանգ է ստացվել, որ Զվարթնոց օդանավակայանում ռումբ կա․ Shamshyan.comՏեղի է ունեցել «Քաղաքացիական պայմանագիր» կուսակցության վարչության նիստ, որը վարել է Նիկոլ ՓաշինյանըՓաշինյանը թիմակիցներին հրատապ կանչել է ՔՊ գրասենյակ․ Mediahub.amՉինաստանը կոչ է արել Իսրայելին և Թուրքիային դադարեցնել Սիրիայի վրա հարձակումներըՆիկոլ Փաշինյանը նոր որոշում է ստորագրելԱրձանագրվել է հրադադարի խախտում, վիրավորվել է երկու մարդ. ռուս խաղաղապահներԱհազանգ է ստացվել, որ Երևանի «Ռիո Մոլ» առևտրի կենտրոնում ռումբ է դրվածԵս սիրում եմ իմ հայրենիքը, Ֆրանսիայի Հանրապետությունից քաղաքական ապաստան չեմ խնդրել․ Սուրիկ Խաչատրյան․ «Հրապարակ»Հունգարիան թույլ չի տա Ուկրաինա-ՆԱՏՕ հանձնաժողովի գումարումՀակառակորդի կրակոցից հրազենային վիրավորում է ստացել զինծառայող Ա. Զ.-ն․ ՀՀ ՊՆԱմսվա սկզբին թուրք-հայկական սահմանին տեղի է ունեցել տեխնիկական պատվիրակությունների հանդիպում․ Քալըն«Բաքուն ցանկանում է Լաչինի միջանցքը փակել. կեղծ թեզեր է շրջանառում ու պատրաստվում ագրեսիայի. Արցախի ՄԻՊ. 24TVԲագրատաշենով և Գոգավանով ներմուծվող որոշ ավտոմեքենաների մաքսազերծումը կարող է կատարվել այլ մաքսատանըԿինը ծննդաբերել է բնական ճանապարհով՝ մահացած պտղով․ «Շենգավիթ» ԲԿ-ից արձագանքում ենՕսիայի և Հայաստանի գիտնականները վելոսիմետրով վերահսկում են Կոլկա սառցադաշտըՀայաստանում հերքել են ղարաբաղցիների 44-օրյա պատերազմին չմասնակցելու մասին վարկածը Հայաստանում սիրում են Ռուսաստանը, բայց նայում են դեպի Արևմուտք Քաղաքագետներն ասել են, որ Հայաստանի պահանջները ՀԱՊԿ-ից անհնարին են թվում Տարադրամի փոխարժեքներն այսօրՍենսացիոն տեղեկություն հնդկական կայքից․ Ինչո՞ւ պատերազմի ժամանակ զենք չեն բերելԷրդողանին օգնության են հասնում արաբական հարուստ երկրները Համահայկական մարաթոնը ձախողվել է գործող վարչախմբի մեղքովԱդրբեջանը սրում է իրավիճակը, Փաշինյանը՝ պատրաստում զիջումների
Ամենադիտված