Քաղաքագետ. Թուրքիան փաստացի Հայաստանին վերջնագիր է ներկայացնում
ՀԱՍԱՐԱԿՈՒԹՅՈՒՆ
regnum.ru–ն գրում է, որ Թուրքիան ամեն հնարավոր ճնշում կգործադրի Հայաստանի վրա, որպեսի նա ընդունի Անկարայի և Բաքվի նախապայմանները։ Այդ մասին REGNUM-ի թղթակցին ասել է քաղաքագետ, kavkazoved.info կայքի գլխավոր խմբագիր Անդրեյ Արեշևը։
«Փորձագետների մեծ մասը ողջամտորեն համաձայն էայն մտքին, որ թուրքական կողմը շատ ավելի ամուր դիրքեր ունի, քան Հայաստանը, և ի վիճակի է վերջնագրերի տեսքով ընդլայնված նախապայմաններ առաջ քաշել երկկողմ հարաբերությունների կարգավորման համար։ Դրանց թվում, ի լրումն թուրքական ավանդական պահանջների, որոնք են Հայաստանի հրաժարվելը ճանաչել 1915 թվականի ցեղասպանությունը, Երևանի համաձայնությունը Կարսի և Մոսկվայի հաշտության պայմանագրերով սահմանված միջպետական սահմաններին, 2020 թվականից հետո պահանջներին ավելացվել է Ադրբեջանի և Թուրքիայի պայմաններով հաղորդակցությունների ապաշրջափակման հարցը, որն է այսպես ասված Զանգեզուրի միջանցք»,- ասել է փորձագետը։ Նա նաև հորդորել է ուշադրություն դարձնել այն փաստին, որ Թուրքիայի նախագահ Ռեջեփ Թայիփ Էրդողանը և արտգործնախարար Մևլութ Չավուշօղլուն ուղղակիորեն հայտարարել են, որ Հայաստանի հետ հարաբերությունների կարգավորման գործընթացը ամեն կերպ կհամակարգվի Ադրբեջանի իշխանությունների հետ։
Նյութը հրապարակման պատրաստեց Կամո Խաչիկյանը
